Fakna Inkhâwm leh Seminar:
Shillong Pastor Bial chuan July 9,2016 khan Kohhran hruaitu leh FOD hruaitute pualin Bial huap Seminar an nei a. Resource persons, Rev.Lalrintluanga, Rev.PC.Muanthanga, Rev.Joseph Vanlalruata, Rev.R.Lalnunzira te an hmang a, an hlâwk hle. Dt.July 17,2016 (Pathian ni) hian Mizo Biak In Shillong-ah Bial Fakna Inkhâwm an hmang a. Thupui 'Aw ka nunna Lalpa chu fak la' Sâm 103:1 tih an hmang.
Mission Convention:
BCM Bethany, Collegeveng Lawngtlai chuan tunkar Zirtawp zan atang hian "Lo chu Khawvel a ni" tih thupui hmangin Mission Convention an nei dawn a, Speaker-ah Upa HL Liantluanga, Mission Promoter an hmang ang. Speaker hi Upa Kaisanga, Lunglawn E leh Nl. C. Vanlalpeki(Soloist), Hnahthial ten an tawiawm ang.
Kohhran humhalh Seminar:
Rev. R. Zohmingliana, AGS i.c. Service leh Rev. K.Lalbiakenga, Organiser. PAC te chuan Champhai Town huapin ni 16-17 7 2016 chhûng hian Kohhran humhalh Seminar an neihpui.
Evangelism Programme :
Upa K.Lalenga, Speaker, Chanchin Tha Chhuangtu Team te chuan Salvation camp BCM Hermon-ah an neih hnuin, BCM Mualthuam N-ah an nei leh mêk. Upa Lalhuliana Chhangte, Speaker, Gospel Herarld Team chuan BCM Diphu Assam-ah Salvation Camp an nei mêk. Upa R.L.Thianghlima, Speaker, Mizoram Evangelical Ministry Team te chuan Camping leh Crusade BCM Ramthar, Aizawlah an hmang mêk bawk.
