Kumthar(2013) atan Department te inbuatsaihna kal mek
September thla chawhnu lam atang khan MizoramBaptist Kohhran hnuaia Department Committee peng hrang hrangte chu kum thar 2013 budget leh Planning tur ngaihtuahi Committee an nei chho mek a. Heng Committee te hian Budget leh Planning te duangin Committee sang zawk -a thlen chhoh turin an phar chho leh dawn a ni. Heng Department committee te hi October thla chhungin neih zawh hman beisei a ni a. November 13-23 chhungin - Mission Committee, Service leh Central Committee-ah khaikhawm an ni ang a, January 22-24 2013-ah Assembly Executive Committee a awm anga, 2013-ah Assembly-ah hmawr bawk a ni dawn a ni. (Download BCM Committee Calendar)
DLBC Thalai Inkhawmpuiah Rev. Samuela
Arunachal Far East field-a kan mission thawhna hmun Dibang Lohit Baptist Churches Association Youth Conference chu October 22-24, 2012 chhung hian Bolung khuaah neih mek a ni a. Mizoram TKP Organiser, Rev. Samuel Lal-remsanga chu speaker-ah hmangin MTKP hruaitu 2 leh zaithiam Nl. C. Lalmuanpuii te an kal.
NEICC Tawngtai Ni Programme
Vawiin Pathianni (October 3rd. Sunday) hi North East India Christian Council (NEICC) Tawngtai Ni (Day of prayer) a ni a. Thupui atan ‘Inpengtawn theuh kan ni’ tih hmangin NEICC hnuaia Kohhran pawl hrang hrang 40 zette chuan he thupui hmang hian Biak in tinah Pathian thuchah kan ngaithla dawn a ni. (Read More)
Christian Education Department Programme
Vawiin Pathianni hmang (October 20-21) hian Christian Education Department chuan Serchhip Pastor bial leh Thenzawl Pastor bial huapin Seminar an nei a. Serchhip bialah hian Director, Rev.B. Lalramhluna hovin an nei a; Thenzawl bialah hian Instrcuctress, Pi H. Lalkimi leh Pi PS.Lalhmingthangi te hovin Seminar an nei.
M. Kawnpuiah Kohhran Thar
Nimin, October 20, 2012 (Inrinni) khan Bungtlang South Pastor bial chhung M. Kawnpui khuaah Mizoram Baptist Kohhran thar a ding a; a hmingah BCM Hermon tih a ni. He Biak in/Kohhran thar hi Rev. Lalbiaksanga Chinzah, ES,Lawngtlai chuan hawnna leh Pathian hnena hlanna a nei a. Executive Secretary hi Lawngtlai Areaa bialtu pastor pathum- Rev.L.Lalsawmliana (Ltl East), Rev.K. Lalbiakenga (Saiha) leh Rev.James Chuaukailiana (Ltl.South) te’n an tawiawm a. Heng pastorte hian vawiinah bial chhung Kohhran hrang hrangah rawngbawlna an nei ang.
Zohnuaiah Kohhran Thar
Serkawn Pastor bial huam chhung Zohnuai Kohhranah vawiin Pathianni hian Kohhran thar Zohnuai East leh Biak in thar hawnna inkhawm neih a ni dawn a. Biak in thar hi President, Rev.Dr.Raltawnga’n a hawng ang a. Biak in chhungah Kohhran thar hi General Secretary, Rev.H. Lianngaia’n a hawng ang a, thuchah a sawi nghal ang. Zohnuai Kohhran hian tun kar chhung khan an Kohhran Centenary an lawm a; hemi rual hian Biak in thar leh Kohhran thar hi an hawng nghal a ni. Zohnuai Kohhranah hian member 1273 an awm a, vawiin atang chuan Kohhran thar Zohnuai East -ah member 470 an awm dawn ta a ni.
KNP Crusade Tuichawngah
October 19-21, 2012 hian Pu C. Lalbiakthanga chuan Tuichawngah KNP Crusade a nei mek.
MBKHP Kolasib Bialah
Kolasib bial BKHP chuan October 20-21 hian Kawnpui Biak inah Kristian Chhungkaw Seminar an nei mek a; MBKHP atangin President Pi LH Sangziki hovin Executive Committere member 2 an kal.
UCC Diamond Jubilee lawm
NEICC hmalakna langsar berte zinga mi Union Christian College (UCC) Barapani, chuan October 17, 2012 (Nilaini) khan an din champha kum 60-na Diamond Jubilee an lawm a. Mizoram Chief Minister, Lal Thanhawla chu khuallian a ni. UCC-ah hian tunah zirlai 800 dawn an awm a; Mizo zirlai 87 zet an awm.
Evangelist-te Programme
Evangelist team te rawngbawl mekna report kan dawnte:
Mizoram Evangelical Ministry (Evan.R.L.Thianghlima) Mahanaim Kohhran, Lungsenah Camp vawi 2-nei tawh.
Chanchin Tha Chhuangtu (Evan.K. Lalenga) Champhai Bial huap
Ebenezer Ministry (Evan.Vanlalmawii) Sethlunah an la cham zel.
Gospel Messengers (Evan.B. Lalthanliana) Changpui Kohhranah
Krista Thuhriltu (Evan.R.Malsawma) Phairuangkai Kohhranah
Thutak Puangtu team (Evan.K.Dengdailova) Khawzawl bial an tuam dawn a; Chiahpui Kohhranah an la awm.
