#Mission Co-ordinator Programme: Rev.B.Lalrinawma, Mission Co-ordinator chu September ni 21 hian Guwahati-ah Regional Meeting neihpuiin turin a kal a, Ni 23-ah Bhubhaneswar (Odhissa)ah Field Survey a nei ang a, Aizawlah ni 29-ah Bru Baptist Church Adfministrative Committee a neihpui leh ang.

Spiritual Nurturing Programme hmang: BCM Higher and Technical Institute of Mizoram (HATIM) chuan September ni 15-17 chhûng khan thlarau lam intuai tharna hun an hmang a. Speaker atân Rev. Dr.V.Laldingliana hman a ni. Programme hlawhtling takin an hmang.

Baptist Masihi Sangati Inkhâwmpui: Non Mizo Fellowship tia kan sawi thin kha tun atang chuan Baptist Masihi Sangati tia thlak a lo ni ta a. Kar hmasa lama kan tarlan tawh angin BCM Sethlunah inkhawmpui leh Jubilee lawmna hun hlung takin an hmang a. Mizoram hmun hrang hrang atangin Palai 354 an lo kal a ni. Mi 8-in Baptisma an chang bawk a ni.

#KNP Inkhâwmpui nei: BCM Ramhlun Pastor Bial KNP Inkhâwmpui Vawi 1-na chu September ni 23-24 2017 chhûngin BCM Ramhlun North Biak Inah neih a ni. Speaker, Rbt. Lalhriatpuia Chawngthu, Horeb Ministry a ni. BCM Ramhlun Bialah hian KNP Unit 6 awmin member 300 vêl an ni.

#Revival & Evangelism Programme: # Brigade Kohhran, Bawngkawnah Camping chhâwng 3 lai neih a nih hnuin September ni 19,2017 atangin Camping chhâwng 4-na neih leh a ni. Speaker, Tv. Lalremhnuna, Khawngaih Rawngbâwltute Team a ni.

#RawpuiKohhranah September ni 18-22 chhûngin Vântlâng Camp neih chhunzawm leh a ni a, 22-23-ah Upa leh Rawngbâwltu pual Camp neih leh a ni bawk. Speaker, Rbt. PL Sanglura, Invader for God Team a ni.

#Ramhlun South Kohhranah September ni 18 zân atangin Vântlâng Camp neih chhunzawm leh a ni. Speaker Upa F. Lalnuntluanga, Gospel For All Team a ni.