March 29-30, 2016 hian Mizoram Baptist Kohhran-in Mizoram chhunga rawng a bawlna - Bru Mission, Chakma Misson leh Non-Mizo Evangelism hnuaia Missionary te pualin Retreat & Seminar Programme, Bakzarveng Biak In, Lunglei-ah a buatsaih dawn a. He Retreat & Seminar thupui atan "Krista Rilru" tih hman a ni ang. Mizoram chhunga thawk Missionary za chuang zet lo tel tura beisei an ni.
March 29 (Thawhleh)zan dar 6:30-ah Missionary te lawmna Inkhawm tawi te hman a ni ang a, Associate General Secretary, i/c Mission - Rev. Dr.K.Lalrinthanga'n a kaihruai ang. A tuk, nilai ni chawhma dar 10:00-ah Sermon Inkhawm a awm ang a, Upa K. Lalremdsanga'n kaihruaiin Rev.H.Lianngaia, General Secretary-in "Krista rilru- Mahni inphatsanna leh inpekna-ah" tih thupui hmangin thuchah a sawi ang". chhun lamah Paper a present leh Mission Inkaihhruaina zirho tawi te neih ani ang a, chawhnu tlai lamah Sermon Inkhawm neih chhunzawm a ni ang a, he inkhawm hi Pu Laldika Zadeng-in kaihruaiin Rev. KV Thanga, FOD Director-in "Krista rilru- Thuawihna leh tuarnaah" tih thu hmangin thuchh a sawi ang, Inkhawm banah Fellowhip & Sharing hun tawite hman leh a ni ang.
Nilai zan-ah dar 6:30 ah Vantlang huapin Inkhawm neih a ni ang a, Rev.RC Lalthanzama'n kaihruaiin Rev. F. Sangvelan "Krista rilru-Thlaraubote hmangaihna leh lainatnaah" tih thupui hmangin thuchah a sawi ang a, Bazarveng Kohhran zaipawl leh Pensy B. Lalthanglianai ten Pathian fakna hla an sa ang.
A ni thumna-Ningani-ah pawh Sermmon Inkhawm, Paper present leh Fellowship, Sharing programme te hmangin nilengin hun hman a ni leh ang a, Chawhma Inkhawm-ah Rev.Lalbiaksanga, AGS i/c Service-in "Krista rilru-Kohhran enkawlnaah" tih thupui hmangin thuchah a sawi ang, tlai lamah Missioanry te pualin Zanriah buasaih a ni ang a, Zan lamah Vantlang huap Pathian biak Inkhawm nei lehin, "Krista rilru-Rinawmna leh hmnagaihnaah" ti thupui hmangin Rev.B.Lalrinawma'n thuchah a sawi ang a, Electric pastor Bial Zaipawl l;eh Bethsy Lalrinsangi te an zai ang.
