Mizoram Baptist Kohhran Assembly roreln-a-in a lo rel angin, tunkar Inrinni, September 26, 2015 hian BCM Biak In tinah Ram tana chawnghei tawngtai nilengin neih a ni dawn. Programme hi chawhma dar 11:00 atanga tanin tlai dar 6 thleng tur a ni a, zanriah nghei tur a ni. He hun ruat hi inkhawm anga hman tur a ni ang a, Detailed Programme chu Tualchhung Kohhranin tul leh tha a tih angin a siam ang a, tawngtai thupui siamte hi kaihruaituin sawi zauvin, tawngtai thupui dang pawh thawh belh theih a ni bawk ang. Hun hman dan tur chu hetiang hi a ni ang:-
MIZORAM BAPTIST KOHHRAN :
RAM TANA CHAWNGHEI TAWNGTAI PROGRAME, 2015
A HUN : 26TH SEPTEMBER 2015, (INRIN NI) : 11.00 AM - 6.00PM A HMUN : TUALCHHUNG KOHHRAN BIAK IN 11.00 - 12.30 PM : SESSION I 12:30 - 01:00PM : Tea break. 01.00 - 02.30PM : SESSION II 02.30 - 04.00 PM : SESSION III 4:00 - 4:30 PM : Tea break. 04.30 - 06.00PM : SESSION IV
SESSION-I (11:00 - 2:30PM)
Tawngtai vawi 1-na: Lawmthu sawina (Sam 126:1-3; Phil 4:4-7). 1. Pathianin Chanchin Tha-in kan ram min zawnchhuah avang leh Chanchin Tha hrilhtu missionary-te min pek avangin. 2. Chanchin Tha-in kan ramah malsawmna tam tak min thlen sak avangin 3. Thlarau Thianghlim harhna kohhrante min pek thin avang leh hmasawnna thar ka neih zel avangin. 4. Pathianin kohhran min din sak avang leh Chanchin Tha hril darh thei a min siam avangin. 5. Pathianin kohhran enkawl leh chawmtu tur Hruaitu tha tak tak min pek avang kohhrante tihharhna hmanrua Evangelist te min pek avangin. 6. Pathianin full term a rawngbawl tur mi tha tak tak min pek avangin. 7. Pathianin zalen taka Amah chibai bukna hun min pek vang leh Pathian ram thilpekah kohhranhoten hma kan sawn zel avangin 8. Pathianin state ralmuang leh ram hruaitu leh roreltute min pek avangin. 9. Pathianin kan ramah zirna institution tha tak tak min pek avang leh mithiam tha tak tak min la pek zel avangin. 10 Pathianin kan ramah leilung malsawmna min pek avang leh ei zawnna kawng hrang hrang min siamsak avangin.
Tawngtai vawi 2-na : Mizoram tan. 1. Kan ramah rorelna fel leh dik a lo awm a, remna leh muanna a awm zel theih nan. 2. Kan ramah party politics tih
bova a lo awm a, Politics thianghlim tak kan neih theih nan. 3. Political Party hrang hrangte inkarah insawichhiat-na a lo bova, ram siamthatna kawngah lungrual taka ke an pen tlan theih nan. 4. Kan ram politician-ten ram hmangaihna tak tak nei a kan ram an kaihhruai theih nan. 5. Kan ram Politician-ten Pathian tihna tak tak nei a a duh zawnga ro an rel theih nan. 6. Kan ram roreltu (Minister&MLA)te leh Sawkar Officer-te inkarah thawhhona tha a awm theih nan. 7. Kan rama sawkar Officer-ten hlemhletna thinlung pu lova ram hmangaihna tak tak rilru pu a hna an thawh theih nan. 8. Kan rama sawrkar hnathawk zawng zawngten rinawm tak leh taima taka hna an thawh theih nan. 9. Kan rama sualna punlun zel hi a lo kiam a thil tha tihna kawngah hma kan sawn zel theih nan. 10. Kan ramah helna, nawrhna rilru bawlhlawh a lo bova nun dan dik taka kan nunho theih nan.
Tawngtai vawi 3-na: Mizoram tan. 1. Kut hnathawh zahpui lova, taihmakna kawngah kan ram mipuite kan thangharh deuh deuh theih nan. 2. Mizoramah hian chibing rilru paih bova inpumkhat leh inhmangaih taka kan chenho theih nan. 3. Mizoram mipuiten ram hmangaihna tak tak thinlung pu-in, kan ram leilung tichhe theitu leh tibawlhhlawh theitu lakah venhim nachang kan hriat theih nan. 4. Kan hnam nun zemawi Chanchin Tha nena inmawite (tlawmngaihna, ai upate zahna, etc) kan vawnhim zel theih nan. 5. Kan rama thing leh mau, nungchate humhalhna kawngah hma kan sawn zel theih nan 6. Kan ram leilung hausakna haichhuahna kawngah kan lo hlawhtlin theih nan. 7. Mizoram mipuiten Pathian tihna tak tak nei a, ram hmangaihna rilru kan put theih nan. 8. Sawrkar leh vantlang thilte mahni ta anga ngaia, tha taka humhalh leh vawn thianghlimna chang kan hriat theih nan. 9. Kawng hrang hranga ei leh bar zawngtuten rilru thianghlim leh dik tak pu a rinawm taka thil an tih theih nan. 10. Kan rama NGO pawl hrang hrangten ram siam thatna, venhimna leh vawn thianghlimna kawngah lungrual taka ke an penho theih nan ________________________________________________
SESSION - II. (1:00 - 2:00PM)
Tawngtai vawi 4-na: Mizoram tan (Amosa 5:24-27; 1Tim 2:1-4) 1. Kan rama miretheiten an chanvo tur dik tak an chan theih nan 2. Kan ram hi chhiatrup theihna kawng hrang hrangah kan him theih nan. 3. Kan rama mipuiten ngaihhlut tur dik tak (right value) ngaihhlut nachang kan hriat theih nan. 4. Kan rama ruitheih thil zuartute leh chingtute hian an lo sim a, Pathian lam an hawi theih nan. 5. Kan rama inrawk, rukruk leh tualthah lo hluar zel te hi a bo theih nan. 6. Kan rama mipat hmeichhiat hman khawlohna leh pawngsualte hi a bo theih nan. 7. Kan rama natna khirh tak tak lo pung chho zel hi (eg Cancer, HIV AIDS, etc) a lo kiam theih nan. 8. Kan ramah hian mihring hmanga sumdawnna leh inrukbona (human traficking & kidnapping) a lo bo theih nan leh hemi kawnga hmalatuten chak zawka hma an lak theih nan. 9. Damdawi zuartuten mipui mamawhna hrereng a, thianghlim taka damdawi an zawrh thei nan. 10. Information Technology Computer. Mobile phone, Television, etc-a tha zawnga kan hman thiam nan.
Tawngtai vawi 5-na: Mizoram tan. 1. Kut hnathawh zahpui lova, mahni intodelhna rilru kan put deuh deuh theih nan. 2. Kut hnathawka eizawngten damna leh hriselna tha tak nei hna an thawh theih nan. 3. Lo leh huan neia eizawngten, sik leh sa leh ruahtui a hun taka an dawn theih nan. 4. Lo leh huan neia eizawngtute hnathawh, a tichhe theitu laka ven hima a awm a, an hnathawh rah hlawhtling taka an sengkhawm theih nan. 5. Ran vulha eizawngtuten Pathian hruainaa tluang taka an vulh a, chhungkaw intunnunna atan an hman theih nan. 6. Kut themthiamna hmanga eizawngtu (Skill labours)ten rinawm leh taihma taka hna an thawh a, an hnathawh phua a hlawkna an tel theih nan. 7. Ni tin inhlawha eizawngtuten, mite rintlaka hna thawk a, inhlawhna an hmuh zel theih nan leh an hnathawh phu a hlawh an hmuh theih nan. 8. Kan ram sawrkarin kut hnathawktute ngai pawimawha tih hmasawnna kawngah tha taka hma an lakpui zel theih nan. 9. Kohhran hote kut hnathawha taima tura in zirtirna kawngah kan lo thanharh lehzual theih nan. 10. Kut hnathawktuten malsawmna an dawn atanga Pathian hnenah pek let ve chakna thinlung an put theih nan.
Tawngtai vawi 6-na: Mizoram tan. 1. Nu leh paten an fate nun veina tak tak nei a, nun kawng dika an hruai theih nan. 2. Chhungtin nu leh paten Kristian chhungkaw dik tak din tura hma an lak theuh theih nan 3. Kan faten nu leh pa zahna leh thuawihna an neih theih nan 4. Chhung tina thalaite inchhungkhur tihhmasawnna kawngah leh taihmakna kawngah hma an sawna an lo thanlen theih nan 5. Chhungtinte khawtlang sualna (Social evil) donaah kan tanrual theih nan. 6. Eizawnna Thianghlim lo chhungtinin kan thlauhthlak ngamna turin 7. Nupa inthenna avanga chhungkaw kehchhia (broken family) a lo tlem deuh deuh theih nan 8. Chhungkaw tin a zirlaiten an zirna tih tak zeta an zirlaite zir a an lo hlawhtlin theih nan. 9. Chhungkaw tinin chhungkaw maicham ngaih pawimawhna tak tak an neih theih nan. 10. Chhungkaw tinin kohhran ngaih pawimawhna chang kan hriat a, kohhranah rinawm taka kan awm theih nan. ________________________________________________
SESSION 3-NA (2:30 - 4:00PM)
Tawngtai Vawi 7-Na: Mizoram kohhrante tan. (Ezekiela 34:11-15; Johana 17:20-26) 1. Mizoram kohhran hrang hrangah Thlarau Thianghlim tihharhna a lo thlen theih nan. 2. Mizoram kohhran pawl hrang hrang zingah inpumkhatna leh thawhhona tha a awm theih nan. 3. Mizoram kohhran pawl hrang hrangte Missionary rilru pu a thlarau bo veina tak tak kan neih theih nan. 4. Kohhran pawl hrang ten Mission Field ah insubuai lova rawng kan bawl theih nan. 5. Mizoram kohhrante sual dona kawngah lungrual taka kan thawhho theih nan. 6. Mizoram Kohhran Hruaitu Committee (MKHC) hruaitute leh member zawng zawngte tan. Tih bik nei lova ro an rel theih. 7. Mizoram a Kohhrante leh Mizoram sawrkar, ram siamthatna kawngah tha taka an thawhho theih nan. 8. Kohhran hruaituten hmangaih taka kohhran an enkawl theih nan. 9. Mizoam kohhan te leh NGO hrang hrangte karah inhriatthiamna tha tak a awm theih nan 10. Kohhran mite hian Pathian duhdan anga rawng kan bawl theuh theih nan.
Tawngtai vawi 8-na: India ram tan. 1. India ram hruaitute, President, Vice President, Prime Minister, Minister zawng zawng leh Parliament memberte tan. Rorelna dik leh fel an kenkawh theih nan. 2. India ram roreltuten ram kaihhruainaah Pathian atanga finna leh remhriatna an neih theih nan. 3. India ramah sakhaw zalenna tha tak a awm theih nan. Sakhua avanga inhuatna leh inhmelmakna a bo theih nan. 4. India ram chhung state hrang hrangte zingah inpumkhatna leh in unauna tha tak a awm theih nan. 5. India ram state hrang hranga roreltuten dik tak leh fel taka ro an rel a, state hrang hranga roreltute inkarah inlaichinna tha tak an neih theih nan. 6. India ram chhungah helna leh inrikrapna a lo bova, thlamuang tak leh zalen taka kan nunho theih nan. 7. India ramin ram hruaitu rinawm leh ram hmangaihtu tak tak a neih zel theih nan. 8. India hi hmelma lakah leh chhiatrupna lo thleng theih laka a him theih nan. 9. India ramah eirukna, hlemhletna leh sualna hrang hrang a lo reh theih nan. 10. India ram hmar chhak State-te inkarah inpumkhatna leh thawhhona tha tak a awm theih nan.
Tawngtai vawi 9na: India ram tan. 1. India ramin hnasawnna leh intodelhna (Development & Economy) kawngah hma a sawn zel theih nan. 2. India ramin ramdangte nen in unauna tha leh thawhhona tha a neih a. 3. India ram state hrang hrang mite inkara innhmuhsitna a lo bova khualzinte an him theih nan. 4. India rama loneituten sik leh sa a hun takah an hmuh theih nan 5. Cenral sawrkar hmalakna tluang taka a kal a, a hlawhtlin theih nan. 6. India ram political party hrang hrangte inkarah inhuatna a bova ram tih hmasawnna kawngah an thawhho theih nan 7. India ramah chibing inlak hran duhna a bo theih nan. 8. India ram chhunga hel pawl hrang hrangte leh sawrkarin inremna an neih theih nan. 9. India ram chhungah sualna chi hrang hrang - tualthah, pawngsual, inrawk, insuam etc a lo tlem theih nan. 10. India ram chhunga zirna in hrang hranga zirlaite inkarah in unauna leh inlaichinna tha tak a awm theih nan .
SESSION 4-na. (4:30 - 6:00PM)
Tawngtai vawi 10-na : Mizoram Baptist Kohhran tan (2Chronicles 6:36 - 40; Rom 12:1-2) 1. Mizoram Baptist Kohhran inawpkhawmna (centralization) hi a lo ngheh deuh deuh theih nan. 2. BCM puipate- President, President Elect, General Secretary, Associate General Secretaries, Executive Secretaries leh Department Head-te leh Institution head-te tan. 3. BCM hnuaia Bial nei pastor, Pro. Pastor te leh Bial neilo ministerte leh Pensioner zawng zawngte tan. 4. Kohhran office, Headquarters leh Executive Secretary Office, Aizawl leh Lawngtlai a thawktu zawng zawngte tan. 5. BCM hnuaia kan institution hrang hrang tan leh thawktute tan. 6. MBKP, BIAL BKHP leh Unit BKHP hruaiten BKHP member-te tha taka an hruai theih nan. 7. MTKP, Bial TKP leh Unit TKP hruaituten TKP member-te tha taka an hruai theih nan. 8. ABC, Bial leh Tualchhung kohhran hruaituten Thlarau Thianghlim hruaina-a kohhranhote hmangaih taka an enkawl theih nan. 9. BCM Recognized Evangelistic Team-te tan. Pathian Thlarau hruaina a rawng an bawla kohhran tiharhtu an nih theih nan. 10. Bial BMP, Unit BMP leh KNP hruaitute tan. Member-te tha taka an kaihhruai a, kohhran kutke tangkai tak an nih theih nan.
Tawngtai vawi 11-na: Mizoram Baptist Kohhran tan. 1. Mizoram Baptist kohhran hnuaia Assembly Committee peng hrang hranga Committee member-te tan. 2. Mizoram Baptist kohhran hian thlaraubo veina tak tak nei a, missionary rilru a put zel theih nan. 3. Regional Director, Field Director-te leh Missionary zawng zawngte tan. 4. Mission Field a Native Worker zawng zawngte tan.mahni hnam hmangaihna tak tak thinlung neia thahnem ngaia rawng an bawl theih nan. 5. BCM-in mission rawngbawlna a kan thawhpuite (Partners) nen thawhhona tha tak kan neih chhunzawm zel theih nan. 6. BCM Assembly-in kawng hrang hranga a hmalaknate tih hlawhtlin a nih theih nan. 7. BCM hian Pathian ram thilpekah hma a lo sawn chhoh zel a, Pastor Bial tinin kan target kan tlin theuh theih nan. 8. BCM hian Pathian duhdan anga rawngbawlna kawng hrang hrangah huang a zauh zel theih nan. 9. Mizoram Baptist kohhran hnuaia thawktu zawng zawngten inpumkhatna tha tak neia rawng an bawl theih nan. 10. Mizoram Baptist Federation (MBF) hruaitute tan.Pathian duhzawnga inpumkhatna kawngah chak taka hma an lak theih nan.
Tawngtai vawi 12-na : Sual thupha chawina leh Inhlantharna. 1. Kan rama ringtute hian Chanchin Tha nasa taka kan tihmualpho avangin thupha chawi nise. 2. Kan ramah hlemhletna leh eirukna a lo hluar tak em avangin thupha chawi ila. 3. Kan rama politics hmansual leh kalsual puina avangin thupha chawi ila. 4. Inngaih, uire, pawngsual, inrawk, insuam, rukruk, tualthah leh ruitheih thil kan ramah a lo hluar tak em avangin thupha chawi ila. 5. Inhmangaihna leh rinawmna kan tlakchham tak em avangin thupha i chawi ang. 6. Kohhran leh Kohhran inkarah innghirnghona leh inngeihlohna a lo len tak em avanga thupha chawina nei ila. 7. Dikna leh rinawmna dinpui ngam tura inhlantharna. 8. Khawtlang sualna lo pung zel do ngam tura inhlantharna 9. Nun thianghlimna kawng zawh tura inhlantharna. 10. Eizawnna dik leh tlo kawng zawh ngam tura inhlantharna. Download:
Chawnghei Tawngtai prog 2015
