BKHP Emblem[/caption]
Mizoram Baptist Kohhran Hmeichhe Pawl (MBKHP) ruahmanna-in Khawvel-in a buaipui Coronavirus (Covid-19) hri leng mek pualin April 24, 2020 (Zirtawpni) zan dar 7:00 hian Mizoram pum huapin mahni awmhmun theuhah tawngtai programme an siam a. He hun hi zawm theuh turin MBKHP President leh Organiser chuan BKHP member te an ngen a ni.
He tawngtai programme-ah hian Tawngtai thupui 15 siam a ni a; Hripui leng (Covid-19) a lo reh thuai theih nan te, Khawvel puma hri vei an lo dam thuai theih nan leh hri avanga boral chhungte tan, Damlo enkawltu Medical lama thawktu zawng zawng te tan, Dan leh thupek kengkawhtu Sorkar hotute, Police leh Task Force te tan, Inkharkhipna avanga mahni hmuna awm thei lo ram hrang hranga tangkhang mek te tan, Ei leh bar ngaihtuahtu Sorkar mipawimawh leh Department hrang hranga thawktute tan, tih te chu tawngtai subject pawimawh zual an ni. (Tawngtai Programme)
MBKHP hian hrileng avanga Mizoramin Inkharkhip kan neih tantirh, March 23 khan Covid-19 doletna atan Health & Family Welfare Department hnenah cheng singthum an thawh nghal a, Hei bakah hian Bial leh Unit hrang hrang te’n anmahni huam chhung Village & Local Task Force hnenah tanpuina engemawzatin an chhunglut mek bawk a ni.
