Mizoram Baptist Kohhran chuan, 2013 BCM Assembly thu passed “Rampum huap awm ni kham chawnghei tawngtai hi 2013 Mizoram General Election neih hma ngei a neih nise" tih angin tunkar Inrinni, September 28, 2013 hian nilengin Awmni khamin Chawnghei tawngtai progamme a buatsaih a. Tualchhung Kohhran tinin mahni Kohhran theuah Tawngtai thupui Headquarters atanga duansa leh kaihhruaina a siam angin an hmang ang. 

Hun hman dan tur:

He hun ruat hi inkhawm anga hman tur a ni ang a, Detailed Programme chu Tualchhung Kohhranin tul leh tha a tih angin a siam ang. Inkhawm Kaihruaitu hian thuchah tawi pawh tul a tih chuan sawi theih a ni ang a, tawngtai thupui siamte hi kaihruaituin sawi zauvin, 1st Session leh 4th Session te hi a hun chhung dah rei bik a ni a, tawngtai thupui dang pawh thawh belh theih a ni bawk ang, tlai lam hi chawnghei a hman nise. 

Tawngtaina thupui chu hetiang a ni:

Tawngtai vawi khatna : Lawmthu sawina
Tawngtai vawi hnihna : India ram tan
Tawngtai vawi thumna : Mizoram tan
Tawngtai vawi lina : India ram chhunga Kohhrante tan
Tawngtai vawi ngana : Mizoram chhunga Kohhrante tan
Tawngtai vawi rukna : Mizoram Baptist Kohhran tan
Tawngtai vawi sarihna : Mizoram Baptist Kohhran tan
Tawngtai vawi riatna : Mission Pual
Tawngtai vawi kuana : Mission Field pual
Tawngtai vawi sawmna : Tawngtai sakna
Tawngtai vawi 11-na : Sual thupha chawina
Tawngtai vawi 12- na : Inhlantharna

..........................................................

Session:

1. 10.30AM – 12.30PM - 1st Session

2 12:30PM – 01.00PM - Tea break

3 01.00PM – 02.30PM – 2nd Session 

4. 02.30PM – 04.00PM – 3rd Session

5. 04.00PM – 04.30PM - Tea break 

4. 04.30PM – 06.30PM – 4th Session 

.......................................... 

SESSION I : 10.30AM – 12.00Noon

Tawngtai vawi 1-na: Lawmthu sawina (Sam 126:1-6).

1. Pathianin Tuipui ral atanga Chanchin Tha min hrilhtu Missionary min pek avangin.
2. Chanchin Tha avanga kan ramin malsawmna hrang hrang kan dawn avangin
3. Kan ramah Pathianin kohhranho min dinsak avangin.
4. Thlarau Thianghlim harhna kohhrante min pek thin avang leh Hmasawnna thar kan neih zel avangin.
5. Pathianin kohhranhote Chanchin Tha hril darh zel tur a min buatsaih avangin
6. Pathianin kohhran enkawl leh chawmtu tur Hruaitu tha tak tak min pek zel avangin.
7. Pathianin ram Hruaitu leh roreltute min pek avangin.
8. Missionary inpe thar kan neih zel avang leh Mission field-ah ringthar kan la neih belh zel avangin.

Tawngtai vawi 2-na : India ram tan (1 Timothea 2:1-4).

1. India ram hruaitute – President, Vice President, Prime Minister, Minister zawng zawngte leh Parliament Member zawng zawngte tan. Rorelna dik leh fel an ken kawh theih nan.
2. India ramah sakhaw zalenna tha tak a awm theih nan leh sakhuana avanga inhuatna leh inhmelmakna a bo theih nan.
3. India ram state hrang hrangte zingah inpumkhatna tha a awm theih nan.
4. India ramah helna avanga inrikrapna a lo bova, thlamuang tak leh zalen taka kan nunho theih nan.
5. India ram rorelna in (Parliament House)-ah rorel thei lo khawp a inhnial buaina a bova, rorelna tluang taka neih a nih theih nan.
6. India ramah eirukna, thamna leh sualna hrang hrang a lo reh theih nan.
7. India ram hi hmelma laka a him thei nan leh chhiatrupna lo thleng thei laka a him theih nan 
8. India ramin ram Hruaitu mi rinawm leh ram hmangaihtu tak tak a neih zel theih nan.

Tawngtai vawi 3-na : Mizoram tan (Amosa 5:24-27).

1. Kan ramah rorelna fel, tha leh dik a lo awm zel theih nan.
2. Politics thianghlim kan neih theih nan.
3. Kan ram politician ten party politics buai pui lova, ram hmangaihna tak tak nena kan ram an kaihhruai theih nan.
4. Kan ram hian ei leh bar intodelhnaah hma a sawn theih nan.
5. Kan rama sualna punlun zel hi a lo kian theih nan.
6. Kan ramah ralmuanna tluantling a lo awm zel theih nan leh chhiatrupna lo thleng thei thut laka kan him theih nan.
7. Taihmakna kawngah kan ram mipuite kan thangharh deuh deuh theih nan.
8. Kan hmaa General Election lo awm tur hi muanawm, dik leh felfai taka neih a nih theih nan.
9. Party tinin, General Election lo awm turah MLA candidates tur Pathian tih mi, mi rinawm leh ram hmangaihtu tak tak an thlanchhuah thiam nan.
......................................

SESSION II : 12.30 – 2.30PM

Tawngtai vawi 4-na : India ram chhung Kohhrante tan (Johana 17:20-26).

1. India rama kohhran hrang hrangten inpumkhatna tha an neih theih nan.
2. India rama kohhran hrang hrangten rawngbawlna kawng hrang hrangah thawhhona tha an neih theih nan.
3. India rama kohhran hrang hrangten thlarau bo veina tak tak neia Chanchin Tha puandarhnaah hma an sawn zel theih nan.
4. India ram kohhran hrang hrangah Thlarau Thianghlima harhna a thlen theih nan.
5. India rama Krista hming avanga tihduhdah tuartu ringtute leh kohhranhote tan.
6. India ram kohhranho zingah chi inthliarna a bo theih nan.

Tawngtawi vawi 5-na : Mizoram chhung kohhrante tan (Johana 13:34-35)

1. Mizorama kohhran pawl hrang hrangte zingah inunauna tha a awm theih nan.
2. Mizoram kohhran pawl hrang hrangte rawngbawlna kawng hrang hrangah thawhhona tha kan neih theih nan.
3. Mizoram Kohhran Hruaitu Committee (MKHC) member zawng zawngten rorelna fel leh dik an neih theih nan.
4. Mizoram kohhran pawl hrang hrangte hi, mission rawngbawlnaah insu buai lova kan bawl theih nan.
5. Mizoram kohhran pawl hrang hrangte, kan rama sualna lo pung zel donaah lungrual taka kan thawhho theih nan.
6. Mizoram kohhran tinte ah Thlarau Thianghlima harhna a thlen theih nan.

Tawngtai vawi 6-na : Mizoram Baptist Kohhran tan (Ezekiela 34:7-10)

1. Kohhran hian sual huatna tak tak kan neih a, Thlarau Thianghlim harhna kan chan theih nan.
2. Kohhranten thianghlimna kawngah hma kan sawn deuh deuh theih nan.
3. Mizoram Baptist Kohhran inawpkhawmna (centralization) hi a lo ngheh deuh deuh theih nan.
4. BCM puipate (President, President Elect, General Secretary , Associate General Secretaries) leh Department Head-te leh Institution head-te tan.
5. BCM hnuaia Bial nei pastor-te leh Bial neilo minister zawng zawngte tan
6. Kohhran office, (Headquarters leh Executive Secretary Office, Aizawl leh Lawngtlai) a thawktu zawng zawngte tan.
7. BCM hnuaia kan institution hrang hrang leh a thawktute tan.
8. BCM Medical & Health Department a thawktu zawng zawng te tan.
......................................

SESSION III : 2.30 – 4.00PM

Tawngtai vawi 7-na : Mizoram Baptist Kohhran tan (Ephesi 4:11-16)

1. ABC leh Pastor Bial Hruaitu zawng zawngte tan.
2. MTKP, MBKHP, Bial TKP, BKHP, BMP leh KNP Hruaitu zawng zawngte tan.
3. Tualchhung kohhran upa leh rawngbawltu zawng zawngte tan.
4. Unit TKP, BKHP, BMP, KNP hruaitute leh member zawng zawngte tan.
5. Bial leh Tualchhung Sunday School hruaitute, zirtirtute leh zirlai zawng zawngte tan.
6. BCM. Recognized Evangelistic team zawng zawngte leh an rawngbawl zelna atan.
7. BCM chhungkaw tin ten Pathian malsawmna kan dawn ang zia zela Pathian ram thilpekah hma kan sawn zel theih nan.

Tawngtai vawi 8-na : Mission Pual (Tirhkohte 1:6-8).

1. BCM Mission rawngbawlnain hma a sawn zel a rah duhawm tak a chhuah zel theih nan.
2. BCM Assembly Mission Committee, Bial Mission Committee leh Tualchhung Mission Committee member zawng zawngte tan.
3. BCM Mission rawngbawlnaa kan thawhpuite (Partners) nen thawhhona tha tak kan neih chhunzawm zel theih nan.
4. Regional Director leh Field Director zawng zawngte tan. Missionaryte leh native workerte nen thawhhona tha tak an neih theih nan.
5. Ramchhung leh ram pawna missionary zawng zawngte tan.
6. Missionary zawng zawng ten thlarau bo veina tak tak, a thara an neihna tur leh Thlarau Thianghlim pawl tharna nen rawng an bawl theih nan.
7. Mission Field a thawktu zawng zawng ten thawhhona tha leh inpumkhatna tha an neih nan.

Tawngtai vawi 9-na : Mission Field Pual (Mathaia 28:16-20).

1. Mission Field hrang hrang a native worker zawng zawngte tan. An chipuite veina tak tak nei a rawng an bawl theih nan.
2. Mission field ah Thlarau Thianghlima harhna a thlen a, ringthar an pun zel theih nan.
3. BCM-in khawvel hmun zau zawkah rawngbawlna huang zauh va field thar a hawn belh zel theih nan.
4. BCM-in Mission rawngbawlna-ah thawhpuitu tha a neih tam deuh deuh theih nan
5. Kan thalai lehkhathiam rual zingah missionary tura inpe an pun zel theih nan
6. Missionary supporter kan pun deuh deuh theih nan.
7. Tualchhung kohhran ten missionary rilru kan put zual deuh deuh theih nan.
......................................

SESSION IV : 4.30 – 6.30pm

Tawngtai vawi 10-na : Tawngtai sakna (Amosa 8:4-8).

1. Kan ram hruaitute – Governor, Chief Minister, Ministerte leh MLA zawng zawngte tan. Pathian tihna tak tak neia ram ro an rel theih nan.
2. Sorkar Officer (Bureaucrats) te leh an staff zawng zawngte tan. Hlemhletna (eiruk leh thamna) laka an fihlim theih nan.
3. Sumdawngtu ten bukna dik leh tehna dik tak hmang a, man dik tak nen sumdawnna an kalpui theih nan.
4. Damdawi zuartu ten mipuite mamawhna hre reng a, thianghlim taka damdawi an zawrh theih nan.
5. Mipui ten ngaihhlut tur dik tak(right value) kan hriat deuh deuh theih nan
6. Zirna hrang hranga zirlaiten thahnemngai tak a, hlawhtlin ngei tuma an zir theih nan.
7. Information Technology – Computer, Television, Mobile Phone etc – hman dan tur dik tak leh a tha zawnga kan hman thiam theih nan.

Tawngtai vawi 11-na : Sual thupha chawina (2Chronicles 6:36-40).

1. Kan rama ringtute hian Chanchin Tha nasa taka kan tihmualpho avangin thupha chawi nise.
2. Pathian malsawmna kan dawnte hmang thiam lovin nawmchen nan leh sualpui nan kan lo hmang ta a ni. Pathian hnenah thupha chawi ila.
3. kan ramah hlemhletna leh eirukna a lo hluar tak em a vangin thupha chawi ila.
4. Kan rama politics hmansual leh kalsual puina avangin thupha chawi ila.
5. Inngaihna, Uirena leh pawngsual lo pung zel avangin thupha chawi ila.
6. Inhmangaihna leh rinawmna kan tlakchham tak em avangin thupha i chawi ang 
7. Kan ramah inrawk, insuam, rukruk, tualthah leh ruitheih thil lo hluar tak em avangin thupha chawi ila.
8. Kohhran leh Kohhran inkarah innghirnghona leh inngeihlohna a lo len tak em avanga thupha chawina nei ila.

Tawngtai vawi 12-na : Inhlantharna (Rom 12:1&2). 

1. Dikna leh rinawmna dinpui ngam tura inhlantharna.
2. Kan hma lawk a inthlanpui (General Election) lo awm turah sum leh pai leh therhlo lak a inhnamhnawih lo tura inhlantharna.
3. Chhungkaw maicham leh Pathian chibai bukna vawng nung reng tura inhlantharna.
4. Khawtlang sualna lo pung zel do ngam tura inhlantharna
5. Nun thianghlimna kawng zawh tura inhlantharna.
6. Eizawnna dik leh tlo kawng zawh ngam tura inhlantharna.