#Canada atangin Volunteer 4 lo kal
Kum 10 chhung zet, Mizoram Baptist Kohhran, Relief & Development Department(BCM R&D) leh Global Youth Volunteer Network, (GYVN) Canada te thawhhona-in kumin 2017-atan Canda University zirlai pali (Hmeichhia vek)te chuan May 3, 2107 khan BCM R&D rawngbawlna chhawmdawl leh hmuhpui turin an rawn kal a. Thla khat an cham ang a, an cham chhung hian BCM R&D rawngbawlna leh hnathawhna hmun te tlawhin a tul ang ang an thawk leh dawn a ni. Tunah hian School Visit program an hmang mek a. May 27,2017 hian Lunglei an chhuahsan ang.
Global Youth Volunteer Network (GYVN) hi Khawvel pum huap a Social Works leh Relief lam hna thawk leh intanpui tawn tura thalai inpe (Volunteers) inzawm khawm an ni a. Khawvel hmun hrang hrangah Social Works leh Relief lam hna thawk turin an feh chhuak thin a ni. A tlangpuiin hetianga kal chhuak thinte hi University zirlai te an ni a, kum 18-25 inkar an ni deuh ber thin. An kalna senso te, an cham chhunga an ei leh in te – engkim anmahni sum atangin an pe a, Volunteers tam zawk chu hetianga chhuak thei tur hian High School/College kal chungin an lo in tuak tang tang thin a ni.
Kum 2006 atang khan BCM R&D Department nen hian kum tin hetiang ang hun hmang ho tur hian ruahmanna siam a ni a. An cham chhungin thingtlang khua te tlawhin, Mizo inah an thleng a, Mi lovah te fehin chemtum nen thlantui tla bawrh bawrhin hna an thawk thin a ni. Tin, School lamah te pawh kalin naupangte an zirtir bawk a, anmahni talent neih ang ang te mizo naupangte tan an sawr chhuak thin a ni. Anmahni pawhin Zonun zia leh ram chanchin te an zir pah bawk a, Mizoram an tlawha an thil hmuh thate an ram lamah theh darhin pawl pahnih ten kan hlawkpui tawn hle thin a ni.
#Training nei mek:
Mizoram Baptist Kohhran, Relif & Development Dept chuan ISLDP Project hnuaia Helath Care Training, Agriculture Field Base Training, Business Managerial and Marketing Skills ah te Target khaw hrang hrang ah training an pe mek a. Health Awareness Campaign bikah hian Civil Hospital te nen a tang hovin training leh Health clinic neiin khaw hrang hrangah hma an la mek a ni.
.
