R & D Health Awareness Programme[/caption]
Nimin, November 28, 2017 khan Mizoram Baptist Kohhran, Relief & Development Department chuan R & D Hall, Ramzotlang, Serkawnah Hriselna lama hma kan sawn theih na turin ‘Community Health Awareness” Program a buatsaih a. Hetah hian hmeichhe hriselna te, tunlai natna tlanglawn (Dengue,Scrubtiphus, Hepatitis), Zun thlun (Diabetes) chungchang te in zirtirna hun a buatsaih a.
Hun hmasa lamah Pu.Lalrinawma, Director Relief & Development Department chuan Program buatsaih a nih dan leh a chhan te a sawifiah a, Pathian hnen a Inkawltirna neih a nih hnuah Program tan a ni. He hunah hian Pi Hmingthanmawii Pachuau, Vice Principal Christian Hospital Serkawn, Dr. Malsawmdawngliana MD, Christian Hospital Serkawn leh Dr. James L. Chongthu, MO, 2nd Battalion MAP Luangmual, Lunglei te chuan zirtirna an pe a. He tah hian Lunglei ‘N’ tualchhung Kohhran hrang hrang a Unit tin BKHP te atangin member 2 theuh leh R&D hnuaia Women Self Help Group member te atangin mi 45 an tel thei a, hlawkthlak an tiin, manhla an ti hle ani.
Vawiin, November 29 hian, 2017 hian BCM, R&D hnuaia Tailoring Training Graduation Day pawh R&D Hall Ramzotlang ah neih tum a ni a. Tunah hian Training hi mi 8 an awm a ni. Training chhuakte hnenah hian Certificate leh Khawl te hlan an ni ang. He Program ah hian R&D Committee member ten an hmanpui bawk ang. R&D Committee in alo rel tawh angin R&D Campaign Program neiin Relief & Development Department Staff te leh Committee member te chu Tualchhung Kohhran ah an fehchhuak mek a. November 19, 2017 kan BCM Hauruang Kohhran ah rawngbawlna an nei a. November 26 2017 (Pathianni) khan Zobawk Ebenezer leh Zobawk Bazar Kohhran ah te rawngbawlna an lo nei tawh bawk.
