Nimin, August 2, 2018 (Ningani) khan Lawngtlai Area TKP Co-ordination Committee chuan J.H.Lorrain Hall ah meeting an nei a, an thu ngaihtuah langsar zingah Mizoram in Chanchin Tha kan thlen champha Kum 125-na Quasquicentenial January 11, 2019 lo awm tur pualin Lawngtlai khawpui chhungah Rally pui tham tak, January 6, 2019 ah neihnise an ti.
He meeting ah hian Lawngtlai Area TKP chuan Kum 2019 hian Lawngtlai District Blood Bank a, a mamawhtu te hman atan Blood Donation Camp awmze nei taka kalpui anih theihna turin Blood Donation Calendar siam leh nise an ti a. Tin, Lawngtlai Area a TKP Pastor Bial 16 hnenah Area TKP Target siam ni bawk se an ti.
Aizawl Area TKP ten Quasquicentenial urlawk nan Fak Zairi (Praise & Worship) an buatsaihna turah Lawngtlai Area TKP te tel ve tura an sawmna leh Solo tur pahnih thawh ve tura an sawmna pawh tihhlawhtlin ngei nise an ti bawk a. August 17-19, 2018 a Lawngtlai North Pastor Bial TKP ten Meet an neihna turah Area TKP Aiawhin LATKP Vice Chairman Rbt Jh.Lalrindika chu Greeting sawi tura tih a ni a. Tin, August Ni 17 a Association For Voluntary Blood Donation ten Training on Blood Donors Motivator ah Area TKP aiawhin Pu David Zothanpuia Asst.Secretary leh Tv V.Lalengvara te kal se an ti bawk.
Lawngtlai Area TKP Co-ordination Committee Chairman, Pu Lalhriatpuia'n meeting hi a kaihruai a. LATKP report hrang hrang te ngaihthlak ani bawk.
Reports : Elvis Zuala
