Pu R. Lalbiakfala, Baptist Higher Secondary School-a Mathematics zirtirtu chu tunkar Nilaini, January 26, 2022 chawhnu dar 3:50 khan, Thin tha lo avangin Chatuan ram min pan san ta. vawiin, January 27, 2022 (Ningani)- khan a chenna In, Zotlang-ah vuiin, Zotlang thlanmualah ropui taka thlah liam a ni.
Vuina Inkhawm hi chhun dar 12:00 ah, an chenna In, Zotlangah neih a ni a. Rev. V. Vanlalchhunga, Bialtu Pastor-in vuina hun a hmang a, BCM aiawhin Rev. ZD Rodingliana leh a thawhna BHSS aiawhin Principal Pu R. Zosangliana ten thu an sawi a ni.
Pu R. Lalbiakfala hi November 24, 1971 ah Upa R. Lalsawia leh Pi Lalengzami te inakarah lo piangin unau pathum zinga naupang ber a ni a, a unaute chu Pi Laldawnpuii (a pasal C. Lalbiakchama), Pu R. Lalchhuanawma (a nupui C. Zohmingthangi) te an ni. An inpui Zotlang, Lunglei ah a nu leh pa, a nupui leh a fate pathum nen an cheng ho a ni. Kum 2007, January 1-ah BHSS High School Section-ah Zirtirtu atan lak a ni a, a thih ni thleng hian he hna hi a chelh a ni.
Pu R. Lalbiakfala hi Kohhran hote leh a thawhpui te chuan an sunin an ui em em a. A kalsan, a nupui fanau te leh a chhungte zawng zawng Lalpa'n thlamuanin awmpui zel se tiin, tawngtaina nen an thlahliam a ni.
