Tunkar Thawhlehni, November ni 30, chawhnu dar 2:30 khan Pu H. Lalneihkima, LDC chu Superannuation pension-a a chhuah dawn tak avangin BCM Headquarters Office-a a thawhpui ten BCM Hall-ah amah thlahna an nei.
Pu H. Lalneihkima (Pu Maneiha), LDC, BCM Headquarters Office-a thawk chu December 1, 2021 atang khan Superanuation pension-in a chhuak a. Pu Maneiha hian kum 1990 January-ah Baptist Printing Press-ah LDC hna a zawm a. Kum 2013-ah Headquarters Office-ah Cashier-in a awm a. Chumi hnuah Communication department leh Mission Department-ah te a awm hnuin Christian Education Department atangin a pension ta a ni.
November 30, 2021 khan a thawhna Headquarters Office ah amah thlahna hun neih a ni a, Rev. R. Lalbiakliana, AGS-Service-in a kaihruai a. Rev. Dr.C.Vanlaldikaโn thlahna thuchah sawiin Pu H. Lalneihkima BCM tana kum 31 lai thawka pension-a chhuak tur a ui thu leh a thawhna apianga thawhpui nuam leh mi dang tana hnawksak ngailo a nih thu a sawi a, thlahna leh chawimawina thuziak BCM hminga hlan a nih bak ah BCM Hqrs. Office Staff Welfare hminga thilpek hlan a ni.
Thlahna hun khar nan General Secertary, Rev. F. Ramdinmawiaโn Pu Maneiha a ui thu leh Supperannuation pension thlenga a thawh theih avanga a lawmpui thu a sawi bak ah, Pension hnu pawha a awmna apianga theihtawpa Pathian rawng bawl chhunzawm zel tura fuih in Pu H. Lalneihkima leh a chhungte tana tawngtaisakna leh Malsawm tawngtaina a nei a ni.
Pu H. Lalneihkima hi BCM Serkawn ah Rawngbawltu niin, Fapa pahnih leh fanu 2 neiin, a fate leh a tute nen Serkawn-ah an khawsa mek a. A fapa Upa ber Tv. H. Lalruatfela chu BCM Missionary niin tunah hian Chamdur-P, Chakma Mission-ah a thawk mek a ni.
