Workshop on Leadership Development
Tunkar Inrinni, August 25, 2018 hian Zotlang Pastor Bial chuan BCM Zotlang-ah 'Workshop on Leadership Development' an buatsaih dawn a, Resource Person-ah Rev. Lianchhunga Khiangte, MTKP Organiser hman a ni ang.
Fakna Inkhawmpui
August 25-26, 2018. hian Hnahthial North Pastor Bial Music Committee buatsaihin Fakna Inkhawmpui, Thiltlang-ah an nei dawn a. Rev. Lianchhunga Khiangte Speaker niin, a ni hi Zotlang-a Programme a hman zawh-ah Thiltlang lamah a kal nghal dawn a ni. August 29-September 30, 2018 chhung hian Malaysia khawpui pakhat, Penang, Georgetown Baptist Church-ah ”Created, Transformed and Empowered to Reach Out” tih thupui hmangin Asian Baptist Women’s Union Assembly vawi 13-na neih a ni dawn a. He Assembly-ah hian Mizoram Baptist Kohhran Hmeichhe Pawl (MBKHP) aiawhin an hruaitu Pi F. Zanguri (Vice President) leh Pi PS Lalhmingthangi (Organiser) bakah member 18 an kal ang.karleh Thawhtanni, August 27 hian Lengpui atangin Malaysia an pan ang. MBKHP Team hian Opening Ceremony-ah Mizo hnam lam ‘Cheraw’ an zu kan dawn a ni.
Awareness Seminar
August 22, 2018 khan MKHP buatsaihin Lawngtlai Bazar veng Biak In-ah Hiv /Aids, Human trafficking, and drugs Abuse awareness Seminar neih a ni a, Lawngtlai Area chhunga Pastor Bial - Lawngtlai 'S', Lawngtlai N, Lawngtlai East, Diltlang bial, Paithar bial leh Thingfal bial atangin BKHP member thahnem tak an kal khawm. MBKHP hruaitute atang Pi F. Lalrochami president, Rbt.B.Singpari Asst, Secretary, Pi M. C. Zomawii ex. Commt member leh Pi C. Vanlalchhungi ten an hmanpui a, Resource person atan MBKHP drop in centre leh Chhawmdawlna in atangin Pi Lalnunzami chawngthu leh a naute bakah, MTKP atangin Pu Elvis Lalthangzuala ex. Comt te hman a ni.
[caption id="attachment_12702" align="aligncenter" width="855"]
MBKHP Awareness Seminar @ Lawngtlai[/caption]
Tarlan tawh ang khan, he Programme vek hi, naktuk, August 25, 2018 (Inrinni) khian Aizawl-ah buatsaih leh a ni dawn a. MBKHP Hruaitute Organiser PS. Lalhmingthangi, Treasurer Rbt. F. Zanguri leh Executive Member-te R. Sapliani leh Julie Lalhmingliani-te’n an hmanpui ang.
Non-Mizo Inkhawmpui
Mizoram Baptist Kohhran, Non-Mizo Evanmgelism (Baptist Masihi Sangati) Inkhawmpui 2018 chu Peniel Kohhran, Hnahthial-ah September 7-9, 2018 khian neih a ni dawn a. heta tan hian a dawltu tur Peniel Kohhran leh Non-Mizo Fellowship hrang hrang te an inbuatsaih chho mek a, he Inkhawmpui-ah hian Rev. B. Zirsangliana, Pastor i/c Non-Mizo chu Speaker niin ‘Kan thlen chin atang hian hma I sawn zel ang u” (Phil. 3:12) chu thupui-ah hman a ni ang.
Pastors’ Conference:
Baptist Church of Mizoram Pastor Conference December ni 11-14,2018-a AICS hmuna neih tur chu inbuatsaihna kal chhohpui mêk niin Programme pawh duan fel thawkhat a ni ta. Hlâwk taka hman a nih theih nân chanvo nei tûrte pawh \ha taka an inbuatsaih theih nân inhriattîr thuai a ni ang. Kohhranhote pawhin tawngtaina lamah kan hre reng dâwn nia.
Missionary Conference 2018:
Baptist Church of Mizoram hnuaia Missionary thawk zawng zawngte pualin Conference neih a ni dâwn a. Inbuatsaihna kalpui mêk a ni.
A hun : 1-4 November 2018 A hmun : BCM Electric Veng, Lunglei Thupui : Thlarau Thianghlim lo kal la, i hnathawh tiharh rawh Speaker: Rev.Lianchhunga Khiangte, Organiser MTKP. He hun hi ram chhûng leh ram pâwna missionary zawng zawngte puala buatsaih a nih ang takin kim taka an lo tel theih nân tawngtapui ang u.
