Mizoram Baptist Kohhran chuan February 9, 2014 (Pathianni) hian Mizoram chhim lama Biak in hmasa ber, Sethlun Biak inah tun hnaia Probationary Pastor atana lak thar mi 5 te lak luhna inkhawm a buatsaih dawn.Pro.Pastor lak luh tur Probationary Pastor-te chu (L-R) :-
1. Lalhruaia Chenkual-Salem, Lawngtlai 2. Vanlalnghaka Jongte, Sethlun 3. R.Vanlalfala- Khumtung 4. Lalrammuana Poonte- Ramzotlang, 5. K.Lalhmangaihzual, Mission Vt
Heng mi 5 te hi Pastoral Committee-in ngun taka a teh hnua lak, Assembly Executive Committee-in a pawmpui tawhte an ni a. BCM aiawhin General Secretary, Rev.H. Lianngaia’n a lalut ang a. Lak luh inkhawm hi CED leh Communication Department Director, Rev.V. Vanlalchhungan a kaihruai ang a. Pastoral Coordinator, Rev.R. Zohminglianan BCM aiawhin thu a sawi ang. Pro.Pastor lak luh turte hi testomony minute 3 theuh sawi tura hun pek an ni ang a; Sethlun Kohhran Zaipawl leh Theiriat Pastor bial Zaipawlin hla an rem ang a. Rev.B.Lalrinawma’n anmahni tana tawngtaisakna a neiin, bialtu pastor, Rev.C. Chhuntluangan malsawm tawngtaina a nei ang.
An Chanchin tlangpui:
K. Lalhmangaihzuala: hi BCM Pastor , Rev.A. Tumsanga leh Zahnuni te inkarah kum 1977 khan a piang a, unau pianpui pakhat (hmeichhia) a nei. AICS atangin kum 2011 khan BD a zo va; chumi hnuah Mission Field, Birpara-ah kan missionary te puiin a awm zui ta a ni. Lunglawn Pastor bialah a awm ang.
Pu Vanlalnghaka Jongte hi July 17, 1978 khan Lunglawnah a piang a. A Pa Upa Siamliana, a nu Lalthanzuali Sailo niin Sethlun Kohhranah an lawi. Unau pianpui 2(mipa leh hmeichhia) a nei a. Nghaktea hian a nupui Zomuankimi Khiangte nen fanu 2 leh fapa 1 an nei tawh. A ni pawh hi AICS chhuak tho niin mission field (AP East)-ah kum 2 a lo thawk tawh bawk. Chawngte Pastor bialah a awm ang.
Lalhruaia Chenkual hi Lawngtlai Salem (L-III) Kohhrana Upa C. Lalchhungliana leh Lalzikpuii te fa 4 zinga mi niin May 15, 1981 khan a piang a, an unau hi mipa 2 leh hmeichhia 2 an ni. Fapa 1 a nei tawh a, AICS Graduate bawk niin, mission field (Dulukma, Tripura) experience nei tawh bawk a ni. Khawruhlian Pastor bial Vanbawng khuaah a awm ang.
R. Vanlalfala hi August 3, 1981 khan R.L. Rinsiama (L) leh Lalrinengi karah a lo piang a, Khumtung Kohhrana mi an ni. An unau hi 4 (mipa 3, hmeichhia 1) an ni a. MZU atanga MA a zawh hnuin AICS-ah BD a zo leh a, Bungtlang South pastor bialah a awm ang.
Lalrammuana Poonte hi Thuamluaia Poonte (L), K. Lalthangliani te fapa a ni a, January 15, 1983-ah a piang. An unau hi 4 bawk (hmeichhia 3, mipa 1) an ni a, Elem English School, Tripura-ah leh AICS Junior Schoolah te a lo thawk tawh a; Pastor bul tan nan Kolasib pastor bial chhung Kawnpui khuaah a awm ang.
