Rev. Lalthangliana, BCM President leh Rev. F.Ramdinmawia, General secretary te Canada zin chu October 12, 2016 (Inrinni) tluang khan takin Headquarters an rawn thleng leh ta. Cananda-a an kal pah hian Delhi-ah The Leprosy Mission (TLM) hotu liante nen meeting pawimawh tak an neiin BCM nena thawhhona mumal zawk kan neih theih nan Thawhhona thuthlung (Agreement) an ziak nghal a. Delhi-ah vek hian Baptist Church Trust Association) (BCTA) Annual Meeting-ah an tel nghal a. Heng bakah hian North India Mission (Delhi based)-a kohhran hrang hrangte Field Director Rev. Lalhmingchhuanga Jongte leh TLM Promoter Secretary Rev. Lalzarliana te nen an tlawh bawk a ni. Chandigarh-ah inkhawmna te neihpuiin Sewing and Tailoring Centre pawh President-in a hawng nghal bawk.
Delhi atangin Cannada-ah Winnipeg-ah Chin Christian Fellowship Gen.Conference an hmanpui hnu-ah Chin Christian Fellowship, Canada leh Chin Global Global Fellowship hruaitute nen inkawmin Mizoram Baptist Kohhran te nen thawhho dan tur an sawiho nghal a. Hemi thu hi Committee hrang hrangin a remtih chuan Assembly thlenga la bawhzui a ni ang a, thawhhona thuthlung (Agreement) pawh ziakin la en chhoh zel tur a ni ang.
Canada-a an chรขm chhungin Calgary-ah, Chin Kohhran te leh Rev.Vanlalsiama te chhungkua an tlawh nghal a, a fapa Cancer-a dam lo pawh tlawhin an hawsan hnu lawk ni 14th Oct. khan khawvel a chhuahsan ta a ni. Pu Siama te chhung kua pawh i tawngtaipui ng u.
