Mizoram Baptist Kohhran hruaitu pahnih - President Rev. Lalthangliana Hnamte leh Rev.F.Ramdinmawia, GeneralSecretary-te chu September 28-30, 2016 chhunga Baptist Church Trust Association (BCTA) Meeting Delhi-a neihah BCM aiawhin an tel ang a,  BCTA Meeting zawh hian October 7-8, 2016 a Chin Christian Fellowship Meeting, Winnipeg Canada  hmanpui turin BCM hotu pahnihte hi an tlang nghal ang.

Rev. Lalthangliana Hnamte BCM President	Rev. F. Ramdinmawia General Secretary

Baptist Church Trust Association hi Baptist Missionary Society-in India ram hmun hrang hranga rawng an bawlna-ah an property (Ram leh In) kal san te enkawltu Committee a ni a. BMS fa hrin Baptist Kohhran thenkhat leh BMS lam aiawh telna Committee pawimawh tak a ni. Kum tinin Kolkotta-ah emaw Delhi-ah emaw Meeting hi an nei thin a, Mizoram Baptist Kohhran pawh hi he pawlah hian permanent member niin kum tin meeting-ah hian aiawh a tir thin a ni.