Meeting with BWA Leaders[/caption]
July ni 1-7, 2018 chhunga Baptist World Alliance Council Meeting Zurich, Switzerland-a kal, Rev.Lalbiaksanga Chinzah, BCM President leh Rev.F.Ramdinmawia, General Secretary te chu tluang takin Headquarters an lo thleng leh ta.
Meeting an neih chhung hian BWA General Secretary Kang San leh Mission Director Peter Dunn te hmuin inkawmna hun tha tak an neihpui a. Tin, BMS hruaitute leh Chin Baptist Federation hruaitute bakah USA lama Zomi Baptist Church of USA hruaitute hmu-in BCM nena rawngbawlho zel dan tur te an sawipui bawk.
BMS hruaitute nen hian Sap Upa leh Pu Buanga thlan chei that dan tur te sawiin, Mission lama thawhhona chungchang te an sawipui bawk. te nên pawh inkawmna hun tha tak an nei a ni.. July ni 7 khan an lo haw a, Rev.F.Ramdinmawia, GS chu Serampore Council Working Committee, 10th July-a neih tûrah a tel nghâl a ni.
BWA Council Meeting-ah hian Baptist Federation hrang hrang 51 aiawh mi 320 an tel a, ram hrang hrang (nations) 46 atangin an kal khawm a ni. He Meeting hian resolution pathum pawimawh tak tak an siaam a.. chung te chu:-
 |
 |
|
Meeting with Zomi Baptist, USA |
Council Meeting |
3. Resolution on the Freedom of Religion in the Lugansk region in eastern Ukraine: Ukraine ram, Lugansk region-ah hian sakhaw zalenna (Freedom of Religion) an hman thin chu ti chepin February 2, 2018 khan dan thar LPR law #211-II “On the Freedom of Conscience and Religious association”) chu an hmang ta a. Hei hian an rama sakhaw biakna reng rengah sorkar hriatpui leh an thiltih te sorkara report thin turin a phut a ni. Tin, Christian Association hrang hrang te pawh an hnathawh te sorkar hriatpuina leh phalna lak zel tawh tur a ni. Hei hi BWA chuan United Nations Special Rapporteur on Freedom of Religion hnenah thlenin he dan hi thiat tura ngen ni se an ti a ni.
2. Resolution Opposing Violence and Abuse of Women and Girls: BWA chuan khawvel puma hmeichhiate dinhmun tha lo taka ding leh nekchep leh khuahkhirha an awm hi tha a ti lo hle a. Hemi tireha hma la turin BWA member bodies te mahni Kohhran theuhah hma la turin a duh a,. Hmeichhiate chu Khawtlangah te, Kohhranah te, chhungkuaah te dinhmun tha chang thei turin an chanvo dik tak pek tur leh anmahni ti chaka, chawikang tura hma la theuh turin a chah a ni.
3. Resolution on Preserving the Primacy of Family in Immigration: Khawvel ram hrang hrang a Politics vanga buaina te, indona leh chhiatna dang vanga ral tlan – Refugee leh Immigrant te chunga zahngaihna lantir leh an dinhmun chawikang a, venhimna tha leh enkawlna tha pe tura Kohhran ten hma lak ni se. Heng mite hian Pathian siam chhan ang taka an dikna chanvo an chan theih nan hma lak ni se an ti a.
