Lunch with GIA Leaders[/caption]
Mizoram Baptist Kohhran hruaitu pahnih - President, Rev. H. Lianngaia leh General Secretary Rev. F. Ramdinmawia te, July 2-7, 2017, Baptist World Alliance (BWA) Annual Gathering & Annual Council Meeting, Bangkok-a kal chu dam takin an lo thleng ta.
Tun tuma an zin hian BWA hruaitute leh BMS leh Global Interaction (GIA) Australia hruaitute kawmin thawhhona chungchang leh rawngbawlho mek-na chungchang te an sawipui a, tin Cambodia-a kan Mission rawngbawlna te aan en bakah Vietnam rama rawngbawl theih dan tur te an en nghal a ni. Anni bakah hian Guwahati Regional Director Rev. Joseph Vanlalruata pawh an zingah hian a tel ve a ni.
Tarlan tawh ang khan BWA Annual Council Meeting-ah hian BWA hnuaia rawngbawlna peng hrang hrang-a hotute leh Khawmualpui hrang hrang (Region)a hruaitute an kal khawm thin a, General Council Meeting bakah Commission/Group hrang hrangah thenin Discussion Programme te an siam thin a ni. General Council hi BWA hnuaia Committee lian ber niin he meeting-ah hian BCM hi member a nih angin kum tin President leh General Secretary te an kal thin a ni.
Tun tum Meeting-ah hian Baptist Organisation pathum - Baptist Evangelical Church of Chad(Africa), Turkish Baptist Alliance leh Zomi Baptist Churches of America te chu BWA member-ah lakluh an ni a, ti hian BWA-ah hian Ram hrang hrang 124 atangin Baptist Pawl (Asociation/Organisation) 238 an awm ta a ni.
