Mizoram Baptist Kohhran Rorelna Sang ber, BCM Assembly Lunglawna neih mek chu Rorel Nikhatna zawh a ni ta a. Nimina Rorel Inkhawma tanna President kal chhuak tur Rev. Raltawnga'n  a hmang a, Devotion hun hman zawhah BCM President Elect Rev. F. Sangvela hnenah President  nihna hlanin Rorelna dawhkan a hlan a. Rev. F. Sangvela'n Rorel a kaihruai nghal a ni.

                                                                              Hun hmasa lamah President Elect thlanna neih nghal a ni a, President Elect atan hian Rev. H. Sangchema chu BCM President Elect atan thlan tlin a ni. [caption id="attachment_3303" align="aligncenter" width="284"] Rev.H.Sangchema
President Elect 2013[/caption]

Rev. H. Sangchema hi Hlawncheu hnam a ni a, November 12, 1947-ah Cherhlun khuaah a piang a ft 5. 7”-a sâng a ni. A pa chu Lianchuha a ni a, a nu chu Hniardawihi a ni. An unau hi mipa 5 leh hmeichhe 3 an ni. Kum 1960 March thlaah Cherhlun Pumphir tuikhur-ah Pastor L.Thangmura kutah baptisma a chang a. 1965 July thlaah Thingsaia Class X a zir laiin a piangthar. Kum 1983 January ni 18-ah Nl. Sialthansângi nên an innei a, Cherhlun BCM Biak Inah Rev. F. Sângvêlan a invawntîr a, fapa 1 leh fanu 2 an nei.

Zirna pangngai leh Pathian thu a zir dân: 1958            -   Cherhlun Primary School. 1959-1961    -   Thingsai M.E School 1962-1965    -   Thingsai High School 1968            -   HSLC., Shillong Govt. High School. 1968-1969    -   PUC., Shillong College, Shillong 1969-1972    -   BA (Hons) St. Edmund’s College, Shillong. 1973-1975    -   MA., Gauhati University Thingsai High School-ah Class X a zir laiin ram buai avangin an exam thei lo va,  kum 2 a châwl. 1978-1981    -  B.D., Union Biblical Siminary, Yavatmal 1994-1996    -   M.Th., United Theological College, Bangalore. Pathian thu a zir hmain an khua, Cherhlunah kum 6 vêl High School-ah zirtîrtu hna a thawk.

Fulltime Rawngbawlna a luhchilh hmaa Rawngbawlnaa a inhmannate:

1.    Thingsai Bial TKP President 2.    BCM Cherhlunah heng nihnate hi a chelh tawh- 1)   Unit TKP President 2)   Asst. Secretary, Local Church Committee 2)   Secretary, Building Commtt. 3)   Rawngbâwltu- 1974-ah 4)   Treasurer Mission Committee

Pastor a nih hnua Rawngbawl hna a chelhte leh a awmnate:

1981-1984    -    Pro.Pastor, Tawipui Bial. 1984            -    Rev. Dr. C.L. Hminga’n a Lunglawn Assembly-ah Minister atan a ordain. 1984-1985    -    Biatu Pastor, Tawipui Bial., Tawipui S 1986-1991    -    Bialtu Pastor, Aizâwl Bial, Bungkawn 1991-1992    -    Bialtu Pastor, Aizâwl N Bial., Laipuitlang 1992-1994    -    Bialtu Pastor, Serchhip Bial, Serchhip.. 1996-1998    -    Bialtu Pastor, Saiha Bial. 1998-2002    -    Principal, BHSS, Serkawn. 2002-2004    -    Co-Ordinator, Pastoral Dept. Hqrs. 2004-2010    -    AGS, Service ( Term hnih) Hqrs. 2010-           -    Director, Education Dept. Hqrs. Heng a hna pangngai bakah hian, Bial Chairman, ABC Chairman, ABC Asst. Secretary, Assembly Secretary (2001), Assembly President (2003) leh Planning Commission member nihna te a chelh tawh.

A lehkhabute ziakte:

1.    Zakaria bu hrilhfiahna 2.    Genesis hrilhfiahna Part 1 & II.  Sunday School zirlaibu. 3.    Kristian nun- Beirual thuzir 4.    Ephesi bu hrilhfiahna Sunday School zirlaibu

Infiamna lamah team work-ah Hockey leh Volley Ball te a khel ve thin a, indoor/individual-ah chuan chess, Carrom Board, Badminton, Table Tennis, Drought te a khêl ve thîn a, individual filed events-ah chuan Discus throw leh shotput te a ti ve bawk thin.

Khawtlâng tâna inhmanna lamah chuan Rambuai lai khân Valunteer-ah a inpe ve a, hun rei fe chu YMA Secretary a ni. Education-ah te Development Committee-ah te member a ni a, adviser-ah te pawh a tang bawk thîn.

Rawngbâwlnaa a tuina lam chu Pastoral Ministry, Evangelism, Mission,  Education leh Development lam te a ni.

A rawngbâwlna rah Pathianin a hmuhtîr thîn avang te, Kohhran Committee-in hmun hrang hrangah hna chi hrang hrang thawk tura an ruat thinnaah te, fanau malsawmna a dawn kawngah te Pathian leh kohhranhote chungah a lawm hle thin.

Hemi thu ziak lai, 2011-ah hian BCM Headquarters-ah thuin, an chhungkuain Serkawn-ah an awm.