BCM Mission Platinum Jubilee lawmna atana inbuat-saihna kal zelah Souvenir T. Shirt chu bial tinah thawn chhuah mek a ni a; ngaihven duh chuan mahni awmna bial hruaitu/Tualchhung Kohhran hruaitute hnenah ngaihven tur a ni ang.
T.Shirt hi Colour chi li - a eng, a dum, a var leh a sen te siam a ni a, size chi hrang hrang - S, M, L, XL leh XXL te siam a ni pakhat Rs. 300/- man niin a puan hi Jersey puan ang chi, rawng da thei lo a ni. Mission Platinum Jubilee hriatrengna tur (Souvenir) atan hian thil dang pawh buatsaih mek zel a ni a, peih fel a nih hunah puanzar zel a ni ang.
Tin, Mission Platinum Jubilee atana inbuatsaih dan leh feedback te, Tualchhung leh Bial eng emaw zat atangin kan dawng zela a lawmawm hle. Main Celebration, Serkawn a hmang thei lo, mahni hmuna programme hmang duhte tan March 22, 2014 (Inrinni) hi Jubilee Ni atan hman tur a ni tih kan in hrilh thar leh bawk a ni.
[caption id="attachment_4680" align="aligncenter" width="300"]
Mission Platinum T-Shirt[/caption]
.........................
Kuminah Chakma Ringthar 68 in Baptisma chang tawh
Kumin 2014 chhung ringawt hian Chakma zingah baptisma chang thar 68 an awm tawh. Chakma Mission Director-in BT a hrilh danin tun hnaiah Chakma khaw hrang hrang -Salmur(2), Tarabonia (4), Betbunya(11), Sekulhkai (6) leh Khojoysury(2), Total=25 in baptisma an chang tawh. Heng bakah hian February 2, 2014 khan MP&MS Field-ah mi 6 leh Non-Mizo Evangelist-te rawng-bawlnaah mi 28 in baptisma an chang thar bawk.
WorkCamp
Lawngtlai Chanmari BMP member 17 te chuan February 3 atang khan Betbuniya-ah Sikul building zauh hna thawkin Workcamp an nei a; an zingah hian hmeichhia 3 an tel.
Mission Convention
Sakawrdai Pastor bial chuan February 8-9, 2014 hian Sakawrdai Biak inah Mission Convention an nei dawn a; speaker atan Mission Promoter, Upa HS.Lalhming-thanga a ni ang.
