Planning Commission 2020 -Service Sector[/caption]
Vawiin, September 10,2019 chawhma dar 11:00- khan BCM Planning Commission 2020, Mission Sector leh Service Sector te chuan arualin meeting an nei. Service Sector hi Sap Upa leh Pu Buanga Hallah thukhawmin, Mission Sector chu AGSย Mission Room-ah an thukhawm a thung. Central Sector te chu karhmasa khan an lo thukhawm tawh bawk.
BCM Planning Commission-2020 hian kum 2020 โ 2030 chhung atana BCM inrelbawl dan tur ruahmanna a siam dawn a, hnathawh awlsamna tur leh Department hrang hrang te bulfuk taka zirchianna leh ruahmanna kalpui a nih theih nan Sector pathumah inthenin Sector tin te hian chanpual an in sem leh a ni.
Central Sector-ah hian General Secretary Rev. F. Ramdinmawia chu Convener niin Planning Commission member panga an awm a, he Sector hnuaiah hian Pastoral Department, Administrative Department, Fellowship Organisations, Finance Department bakah Pension Board te a chang a.
Service Sector-ah hian AGS i/c Service, Rev. R. Lalbiakliana chu Convener niin Planning Commission aiawh member panga bakah Department & Institutions Head te an tel a ni. Service Sector hian Education, Communications, Christian Education, Baptist Literature & Printing, Social Concern, Relief & Development Department te a chang a.
Mission Sector-ah hian AGS i/c Mission chu Convener niin Commission aiawh member 6 an awm thung a, anni hian BCM hnuaia Mission rawngbawlna bik an thlir thung a ni.
Related topic: Planning Commission 2020 thu khawm
