April 17-18, 2021 hmang khan BCM Biak In, Phuaibuang-ah Bial chhunga Sunday School zirtirtu te leh puipate pualin Sunday School Training neih a ni a. He Training-ah hian Sunday School Trainers te – Upa HS Lalhmingthanga leh Upa H. Thangrivunga te Resource Person niin Tv. Joseph Lalngurliana, Director, Kraws Thupuangtu Team –in a tawiawm bawk.
He Training-ah hian Bial chhung Kohhran Pathum – Phuaibuang, Khawlian leh N.E Tlangnuam atangin Sunday School zirtirtu leh Sunday School puipa mi 54 an kal a, nilengin Training tha tak neiin tlai lamah chawhlui an kilho nghal a ni.
Pathinni zingah Kohhran pathumah hun hmangin Phuaibuang Kohhran-ah Upa HS Lalhmingthanga’n thuchah a sawi a, Khawlian Kohhranah Upa H. Thangrivunga’n leh N.E Khawlianah Tv. Joseph Lalngurliana ten thuchah an sawi bawk.
