May 28, 2022 (Inrinni) khan Phawngpui North Pastor Bial chuanย "5th BCM Planning Commission & Constitution" zirhona Seminar an nei a. Resource person atan Pu Lalruatkima, Administrative Officer, BCM Headquarters Office chu hman a ni a.
Pu Lalruatkima bakah hian Headquarters atangin Rev. Vanlalmuankima, Director, Pastoral Ministry Dept., Rev. L. Vanlalsanga, Director, Education bakah Rev. H. Lalfakzuala, Secretary MBMP te'n an hman pui bawk.
Seminar ah hian Bial chhunga Kohhran hruaitute leh Fellowship Department hrang hrang hruaitute, kalin, mi 68 an tel thei a ni. BCM Planning Commission panga-na leh BCM Constitution thar-in Assembly, ABC, Bial leh Tualchhung Kohhran inrelbawl dan a tih danglam te leh kalphung a tih danglam te inkawhhmuhin zirchianna te neih a ni a. Zawhna leh Chhanna hun te hman a ni bawk.
Inrinni zan atanga Pathianni zan thlengin Headquarters lama hruaitute hian Phawngpui North Pastor Bial chhunga Tualchhung kohhran hrang hrangah hun hmang in thu an sawi a ni.
