Pastor lak thar ten Joining report an pe[/caption]
February ni 3, 2020 (Zirtawpni) khan BCM in Pastor a lak thar mi panga - Joseph Liansangpuia, BCM Chanmari Vengthlang, Lunglei; K. Lalrammawia BCM Salem, Lunglei; Lalmuanpuia, BCM Ramrikawn, Pangzawl; Lalramliana, BCM Aizawl West, Dinthar, RJ Lalnunpui, BCM Bazar, Lawngtlai te chuan General Secretary, BCM hnenah joining report an pe a, an hna thar an zawm ta.
Pastor lak tharte hian BCM Headquarters Office zing inkhawm atangin bul an tan a, inkhawm banah General Secretary Office-ah an hna thar zawmna lehkha an thehlut a, General Secretary in fuihna thu leh thupawimawh a hrilh hnuin Coordinator, Pastoral Ministry Department in an hun hman zel dan tur a ruamhmanin a hriattir bawk.
Heng Pastor laktharte hian karleh, February 10-14 chhung hian Orientation an nei ang a, Orientation-ah hian Department hrang hang hotuten kaihruaiin BCM kalphung leh Department hrang hrang kalphung te an zirtir ang a, February 16,2020-ah BCM Biak In, Chanmari vengtlangah Pastor atana lakluhna Inkhawm neih a nih hnu in heng Pastor atana lak thar te hian an probation hun (kum 3 chhung) an hmang tan nghal tawh dawn a ni.
[caption id="attachment_15712" align="aligncenter" width="720"]
Pastor lak thar ten Joining report an pe[/caption]
