Mizoram Baptist Kohhran Pastor’s Conference vawi 25-na chu zanin, August hian Sap Upa leh Pu Buanga Hall, BCM Office, Serkawn-ah nan tan dawn ta,  thupui-ah hian "I rawngbawlna kha hlen rawh" (IITimothea 4:5.) tih thu hman a ni ang. He Confenrence ah hian Mizoram Baptist Kohhran hnuaia Pastor leh Minister thawk lai bakah Pastor Pensioner zawng zawng tel tura beisei an ni a, Mizoram pawna Missionary leh rawngbawlna hna dang thawka awm te erawh chu a huam lo thung.

Conference chhung hian Zing karah Bible Study leh Tawngtai Inkhawm neih thin a ni ang a, chhun lamah Thupui then hrang hrang hmangin Seminar/Workshop neih thin a ni ang a, zan lamah Worship Service theih a ni thin ang. (Click here for Detailed Programme)

........................

SERMON SAWITU TUR LEH THUPUI THENTE: 28.08.2014(06:30 p.m) : Rev. H. Lianngaia : Welcome Address & Key note Address. 29.08.2014(06:00 p.m) : Rev. C. Vanlawma : I rawngbawlna kha hlen rawh, “Beramte tana nun hlanin" 30.08.2014 (06:00p.m) : Rev. Lalbiaksanga: "I rawngbawlna kha hlen rawh, “Pathian thuruk enkawlnaah” 31.08.2014:(06:00p.m) : Rev. H. Sangchema : "I rawngbawlna kha hlen rawh, “Kohhran leh Chanchin Tha humhim chung zelin”   SEMINAR RESOURCE PERSON LEH SUBJECTS: 1. Rev. B. Lalrinawma : Pastorte rawngbawlna, Kohhran chawm leh enkawl. 2. Rev. C. Ngurhnema : Pastorte rawngbawlna leh Inpumpekna. 3. Rev. Dr. K. Lalrinthanga : Pastorte rawngbawlna leh tawngtai thiltihtheihna. 4. Rev. V. Laldingliana : Pastorte rawngbawlna leh thawhhona tha. 5. Rev. C. Chhuntluanga : Rawngbawlna leh Bible. 6. Rev. F. Ramdinmawia : Pastorte leh tunlai Khawvel.   BIBLE STUDY HRUAITU TUR LEH THUPUI: 1. Rev. V. Vanlachhunga : Puithiam rawngbawl dan, Thuthlung Hlui atangin 2. Rev. K. Lalbiakenga : Lal Isua rawngbawl dan, Chanchin Tha Bu li atangin. 3. Rev. James Chuaukailiana : Paula rawngbawl dan, Tirhkohte Thiltih leh Paula lehkhathawn atangin. (Click here for Detailed Programme) .....................

Mizoram Baptist Kohhran hnuaiah hian Pastor thawk lai 130 leh Probationary Pastor 18, an vaiin 148 an awm mek a, heng bakah hian Pastor Pension (la dam) 34 an awm bawk. Pastor Bial 77 awmin heng zinga bial pakhat chu Probationary Pastor-in a enkawl a, a dang zawng 76 chu Minister-in an enkawl a ni. Headquarters-a Department hrang hrang leh Mission Field-ah te, Further Study Programme-a awm mek leh Theological Collage hrang hrangah Deputation-a Zirtir hna thawk an awm bawk.

Mizoram Baptist Kohhran hian, kum1932 vel atang daih tawh khan Pastors’ Conference hi a lo buatsaih tawh a. A chang chuan ‘Retreat’ anga kalpui thin a ni a, BCM thawktu zawng zawng huapa ‘BCM Workers Retreat’ anga buatsaih chang pawh a awm bawk thin. Kum 1972 atangin record mumal taka vawnin a awma, chumi atang chuan tun tum hi vawi 25-na tur a ni a, kum zawn te, kum khat danah te neih thin a ni. 1972 hmalam kha chu record mumal tak hmuh tur a awm loh avangin 1972 atangin Cenference neih zat hi chhiar chhoh a ni thung.