Mizoram Baptist Kohhran hnuaia Pastor-te puala inkhawmpui (Pastor Conference) chu Sap Upa leh Pu Buanga Hall, Serkawnah December 6 (Ningani) zan atang khan tan a ni a, Pathianni zanah an tiak ang. Tun tumah hian Mizoram pawna awm, Missionary te leh hna dang thawk te huam lovin, Ram chhunga Pastor thawk lai leh pensioner te koh an ni a, tukin thlenga in register zat chu mi 123 an ni. Conference Thupui atan ‘Lalpa Hman Tlak’ tih an hmang a; Paper present, Worship service, Bible Study leh Discussion hmangin thupui hi zirho a ni.
Mizoram Baptist Kohhran-ah hian Pastor thawk lai bial nei 73 leh Probationery Pastor thawklai mi 18, Pastor thawklai, Bial nei lo 26 leh Pensioner (la dam) 32 an awm mek a ni.
...............
Tun hnaiah BCM pung nasa
Tun hnai ni rei lote chhung hian Mizoram chhim leh hmar lamah Mizoram Baptist Kohhran kan pung nasa viau mai a, a lawmawm hle. Champhai pastor bial huam chhung Tualchung Kohhranah tum hnih lawmluhna inkhawm neih a ni a. Kan General Secretary, Rev.H. Lianngaia pawh Nov.29 khan zan khat riaka han kalin Presbyterian Kohhran atangin member 14 a lawm lut a, a hma lawka member 17 an lawm luhte nen 31 in belhchhah an ni a. Tin, he thu kan buatsaih mek lai, December 3, (Thawhtanni) khan Mamit Pastor bial huam chhung Nalzawl Kohhranah member 30 zet lawm luh an ni bawk a, an zingah hian Kohhran Upa 2 leh KTP hruaitu ni lai mekte an tel. Bungtlang ‘S’ pastor bial huam chhung Hmawngbu Kohhranah Presbyterian leh EFCI atangin member 25 lawmluh an ni bawk.
Calendar leh Diary lei theih ta
Communications Depaertment chuan kum tina an tih thin angin BCM Calendar leh Diary-2013 an buatsaih leh ta a. Kohhran tinah sem chhuah mek a ni a, heti ang hi a rate a ni e. Calendar phek 1 chi - Rs. 10/- Calendar phek 6 chi - Rs. 50/- BCM Diary - Rs.160/-Printing Press-in Perfect Binder nei thar
BCM Printing Press chuan lehkhabu kawm tuamna khawl (Perfect binder) an nei thar a; hei hian kan Kohhran kutchhuak lehkhabu hrang hrang hmel leh quality nasa takin a tidanglam tawh dawn a ni.
Nupa tuak 22 + 6 Innei tha
December 1, 2012(Inrinni) khan Phawngpui North bial leh Serte bialah Nupa tuak 28 te pualin Inneih that inkhawm buatsaih a ni. Sangau Kohhranah nupa tuak 22 an innei tha a, bialtu pastor i/c Rev.R. Thanmawian a invawntir a, Sertlangpui Kohhranah nupa tuak 6 te bialtu pastor, Rev.PC. Vanlalmuana kutah an in vuan tha bawk.
R&D News
December 4-5, 2012 khan thingtlang khaw hrang hrang 30 atangin local facilitator pakhat theuh kovin khawtlang tana hmasawnna kawng inkawhhmuhna Training an buatsaihsak a. He mi chhunzawm hian December ni 6 khan Self Help Group Management Training & Annual Gathering an buatsaih bawk a, mi 60 an tel thei. Tin, tunlai hian Canada a tanga lo kal University zirlai Rene Sharma chuan Malaria dona kawnga R&D hmalakna zirchiangin a cham chilh mek bawk.
