Pastoral Department Committee-in Pastor Bial thar ruahmanna a siam, Assembly Executive Committee leh Assembly 2022-in a pawm tak angin, March 20, 2022 (Pathianni) khan Bethel Pastor Bial, Champhai chu hawn a ni.
Bial thar hawn Inkhawm hi Rev. C. Chhuntluanga, Director Pastoral Ministry Department-in a kaihruai a, General Secretary Rev. F. Ramdinmawia’n hawngin thuchah a sawi nghal a, Rev. P.C. Lalropuia Bialtu Pastor, Champhai Pastor Bial-in Bial thar atana hruaitu turte Patshian hnena hlanna leh tawngtaisakna neiin, Pu K. Lalthangzela’n Pathian fakna hla sa-in rawngbawlna a nei a, Rev. Vanlalnghaka Jongte, Bialtu Pastor, Bethel Pastor Bial –in Malsawm tawngtaina-in inkhawm a khar a ni.
Bethel pastor Bial, Champhai hi Champhai Pastor Bial atanga indang an ni a, Kohhran 5 –Bethel (member 184), Bethani (member 189), Khuangleng (member 84), Zokhawthar (member 495) leh Lianpui (member 63) te an awm a, Bial pumpuiah Kohhran member 1014 an awm dawn a ni.
Hetihlai hian a hringtu Champhai Pastor bialah Kohhran 5 bawk awmin, Champhai Kahrawt (member 253), North Khawbung (member 308), Emmanuel (member 54), Ngur (member 98) leh Tualcheng (member 33) niin member zawng zawng 746 an ni thung dawn a ni.
