Aizawl E Pastor Bial Inkhawmpui[/caption]
Mizoram Baptist Kohhran Pastor Bial Rorel leh Inkhawmpui October 3-6, 2019, chhunga Pastor Bial hrang hrangin an neih chu, October 6,2019 khan an tiak ta.
Pastor Bial tam zawk chuan Rorel Inkhawmpui hlung takin an nei a, Chutih laiin Bial Inkhawmpui kum khat dana a nei thin Pastor bial 5 vel chu an inkhawmpui neih loh kum a nih avangin Bial Rorel hun atan an hmang thung a ni.
Pastor Bial Rorelna-ah hian Bial chhung Kohhrante inenkawlna bakah ABC leh Assembly thlenga thu ngaihtuah tur te an ngaihtuah thin a ni. Bial Reorelna-in Assembly-a lut tura a passed te hi an awmna Area Baptist Council(ABC) theuhah thlen chhoh leh a ni ang a, ABC Rorelna-in a pawm chuan Assembly-ah ngaihtuah turin thlen chhoh leh a ni dawn a ni.ย Tarlan tawh thin ang khan Kum dang ang bawkin kuminah pawh Pastor Bial Inkhawmpuiah hian BCM Headquarters-a hruaitu engemawzat Speaker leh Chanvo dang neiin an chhuak a, vawiin lamah naktuk October 8 khian Office an luah hman beisei a ni.
