Naktuk, November 18, 2017 (Inrinni) hian Lunglei khawpui hmar lam Pastor Bial panga huapin Kristian Naupang Pawl (KNP) Joint Fellowship, Bazarveng Biak Inah neih a ni dawn a. Heta tan hian KNP Unit hrang hrang te an inbuatsaih ngawrh hle. He Joint Felloship-ah hian "A lo kalin" tih hla KHB No. 534 chu Theme Song atan hman a ni ang.
Chawhma lam dar 09:454-ah Programme tan a ni ang a, Pi B. Singpari, KNP Promoter-in hunserh (Devotions) a hmang ang a, Nl. C. Lalchhandami, Baarveng leh Tv. Hmingchungnunga, Electricveng ten Progamme an kaihruai ang. Chawhma hunah hian Group zai , Worship Dance, Solo, Recitation bakah Quiz inelna a awm bawk ang. Rev. KV Thanga, FOD Director-in thuchah tawi a sawi bawk ang.
Chawhnu dar 1:15-ah Second Session tan leh a ni ang a. he hun hi Nl. LP Zothanpuii, Rahsiveng leh Rbt. C. Lalmuanpuia, Zotlang ten an kaihruai thung ang. Group zai , Worship Dance, Solo, Recitation leh Quiz awm lehin Rbt. Lalhriatpuia Chawngthu-in thuchah tawio a sawi bawk ang.
Lunglei khawpui chhungah hian Pastor Bial 9 awmin - Lunglei hmar lam Pastor bial panga te pualin he Joint Fellowship hi buatsaih a ni a - Rahsiveng Pastor Bial, Electric Pastor Bial, Bazar Pastor Bial, Serkawn leh Zotlang Pastor Bial te niin, heng bial huam chhungah hian KNP Unit 20 an awm a, KNP member 3570 chuang an awm bawk.
