February 13, Pathianni chawhma dar 11 khan Pastor atana lak thar mi panga te lakluhna inkhawm, BCM Biak In, Trinity, Zobawk ah neih a ni a, Rev. L. Lalsawmliana'n inkhawm a kaihruai a, Upa R. Saithuama, BCM Hermon, Theiriat, Upa V. Lalrinmawia, BCM Ramzotlang leh Upa C. Thantluanga BCM Electric ten Pathianthu an chhiar a. General Secretary Rev. F. Ramdinmawia'n Pastor atana lak mi panga te, an luchunga kut nghatin lakluhna a nei.

Rev. R. Lalbiakliana Associate General Secretary (Service) in tawngtaisakna hun a hmang a, Rev. C. Chhuntluanga Director Pastoral Co-ordinator hnen atangin pastor atana lak tharte fuihna leh Pathian thuchah ngaihthlak a ni. Lakluhna inkhawm ah hian Pathian faka rawngbawlna Tv. H.Lalthanmawia'n a nei bawk.

Pastor atana lak thar te hi C. Zomuankima (Laipuitlang), Johana (Farkawn), Lalduhawma (Lunglawn), Vanlalthansanga (Zawlpui) leh V. Lalramthara (Lungsen) te an ni.