Tun hnaiah pastor senior pahnih- Rev. C. Vanlawma, Bialtu Pastor, Lawngtlai South bial leh Rev. R. Lalchamliana, Bialtu Pastor, Bazar bial te chu pension-in an chhuak ta.

Rev. C. Vanlawma hi October 1, 2015-ah chhuakin Rev. R. Lalchamliana  November 1, 2015-aha chhuak veleh bawk.

Pastor posting & Transfer hun nen kar a awm deuh avangin Lawngtlai South bialah hian Rev. Vanlawma hian serh leh sangah tuna charge la mektu Pro Pastor a la pui rih ang a. Bazar bial hi tuna Non Mizo incharge, Rev.K. Lalbiakchhawnan a hmui rih ang.

Rev. R. Lalchâmliana   Chanchin tlangpui

Rev.R.Lalchâmliana hi Renthlei hnam a ni a, October 24, 1950-ah Tlabung (Demagri) khuaah a piang a, ft 5, 8”-a sâng a ni. A pa chu Zosiama a ni a, a nu chu ZD. Liantluangi a ni. An unau hi mipa 2 leh hmeichhe 4 an ni. September 15, 1964 -ah  Zotlâng  khuaah Rev. KT. Chungnunga  kutah baptisma a chang a. A nupui hmasa F. Zobuki chuan vânduaithlâk takin October 7, 2001-ah a thihsan hlauh mai a. Nl.C.Lalmuanawmi nên October 24, 2007-ah Zotlâng BCM Biak Inah an innei leh a. Rev.A.Tumsânga’n a invawntîr a, fapa 1 leh fanu 3 an  nei.

Zirna pangngai leh Pathian Thu a zir dân: 1957-1960    -   Primary School, Zotlâng 1961-1963    -   Middle School, Sêrkâwn. 1964-1968    -   High School,  Sêrkâwn. 1969-1974    -   College, Shillong leh Lunglei. 1981-1984    -   B.D. Serampore College 1996-1998    -   M.Th (Theology) ETC., Jorhat Pastor hna a thawh hmain LDC  hna a thawk a, chumi hnuin High School-ah a zirtîr bawk. Rawngbâwl hna a chelh tawhte leh a awmnate: 1984-1985    -   Pro.Pastor, Hnahthial Bial. 1985-1987    -   Pro.Pastor, Zotlâng Bial. 1987            -   Sêrkâwn-ah, Rev. Dr. CL. Hminga’n Minister atân a ordain. 1988-1992    -   Lungchem Bial, Lungchem 1992-1996    -   Secretary, M|KP Sêrkâwn 1996-1998    -   M.Th (Theo) zirin E.T.C. Jorhat 1998-1999    -   Theiriat Bial, Theiriat 1999-2002    -   Pângzâwl Bial, Pângzâwl 2002-2004    -   Director, Christian Education, Hqrs. 2004-2007    -   Director, Communications, Hqrs. 2007-2008    -   Chaplain Christian Hospital, Sêrkâwn 2008-2010    -   Lawngtlai East Bial. 2010-2013    -   Director, Communications, Hqrs. 2013-2015    -  Bazar Pastor Bial A hna pangngai bâka nihna a chelh tawhte: 1984-1985    -   Bial Chairman 1986-1987    -   ABC Secretary Hêng lehkhabute hi a ziak tawh bawk. 1.    I awngai ang u 2.    Thuhriltu bu hrilhfiahna Kum 2005-a Sunday School Senior ‘B’ zir

Infiamna lamah chuan Football te, Hockey te Badminton te a khel ve hîn. Rawngbâwlna lama a tuina te chu Evangelism, Teaching (Christian Education) leh Home visit te hi an ni. Hemi thu ziak lai, 2011 hian Zotlânga ama inah an chhûngin an awm.

          ............................................................                                                              Rev. C. VânlâwmaChanchin tlangpui

September, 1950-ah Chawnhu-ah a piang a. A pa chu Khuaikunga a ni a, Chinzah hnam an ni. Nu leh pa atanga Kristian a ni a, ft 5.4”-a sâng a ni. Kum 1965-ah a piangthar a, 1967-ah Pastor V. Lalzawngan Chawnhu khuaah a Baptisma a chantîr.

Zirna kawng a zawh dan: 1968            -    C. Th., J.B.S, Serkawn. 1972            -    HSLC.,  Lawngtlai 1978-1982    -    B. Th., ETC, Jorhat. 1990-1992    -    B.D., Serampore College. Pastor a nih hmaain 1974-1977 chhûngin  sawrkar-ah LDC hna a thawk a, 1977-1978 chhûngin Store Keeper hna a thawk bawk. Rawngbawl hna a chelh tawhte: 1982-1984    -    Pro.Pastor, Lawngtlai Bial.. 10. 3.1985    -    Ramthar vêng Assembly-ah Rev. Dr. C.L. Hmingan Minister atan a ordain. 1984-1990    -    Dîltlang Pastor Bial. 1990-1992    -    BD., Bishop’s College, Calcutta. 1992-1993    -    Kawrthah Bial. 1993-2008    -    Mission Field Director, Boro field 2008-2013    -    Lunglawn Pastor Bial. 2013-2015    -    Lawngtlai South Pastor  bial Rawngbâwlna lamah Pastor hna leh khawtlâng tana Chanchin Tha ênga thawh ho dan tur ngaihtuahho te hi a tuina lam a ni.