March 26 & 27 (Inrinni leh Pathianni) khan Pangzawl Pastor Bial huapin, BCM Biak In Khuanghlum-ah, Upa leh Rawngbawltu Seminar neih a ni a. He Seminar-ah hian BCM Planning Panga-na chungchang leh BCM Constitution & Rules chungcahng zirhona neih a ni a. Resource Person-ah Rev. Dr. R. Zolawma, BCM President leh Administrative Officer, Pu Lalruatkima te hman an ni.
Inrinni nilengin Seminar hi neih a ni a, Bialtu pastor Rev. K. Lalmuanpuia’n Inhmelhirttirna leh Pathian hnena Inkawltirna hun a hmang a, BCM Planning Commission vawi ngana leh BCM Constitution thar-in BCM kalphung hrang hrang leh Department inrelbawl dan te, ABC, Bial leh Tualchhung Kohhran inrelbawl dan a khawih danglam te leh Kohhran kalphung a thlak danglam thenkhat te inkawhhmuhin zirchianna leh inkawhhmuhna neiin, Zawhna leh Chhanna hun te an hmang a ni. 
Bial chhunga Upa leh rawngbawltu te, Fellowship hruaitu te an kal thain hlawk thlak an ti hle. Inrinni zan, Pathianni zing leh Pathianni zanah te Bial chhung Kohhran hrang hrang 6-ah insemin Thuchah an sawi bawk..
Bazar Pastor Bial Lunglei buatsaihin March 26, 2022 vêk khan BCM Biak In, Kikawnah Tualchhung Kohhran Committee member te pualinhian Upa leh Rawngbawltu Seminar neih a ni a, He Seminar-ah BCM Constitution & Rules Zirhona neiin, Planning Commission hnuhnung berin a nghawng thil kalphung danglam te inkawhhmuhin hun an hmang bawk.
He Seminar –ah hian Rev Vanlalmuankima (Bialtu Pastor) chu Resource person-ah hmangin Seminar hi a kaihruai nghal a ni.
