Rev. Lianchhunga Khiangte, Organiser, Prevention and Care(PAC) chuan Tûnhnaiah BCM Social Concern Department hnuaia ‘Prevention and Care’ (PAC) chuan HIV hrik pai fa nausênte hnute hnêk tûr lei nân sum eng emaw zât an dawn avangin tanpuina petu zawng zawngte chungah nausên lâwmthu a sawi a, PAC kaltlanga an sum dawn ang ang chu heng nausen enkawlna hmun MBKHP Grace Society-ah hlan chhâwn a nih thu a tarlang. Tun hnaia PAC kaltlanga tanpuina an dawn chu hegtiang hi a ni:-
1) ZPMBK Pastor Bial BKHP Rs. 5,000/-
2) Shillong atangin mimal thilpêk (hming thup) Rs. 3,000/-
3) Pi Sâwmteii, Electric veng, Hnahthial Rs. 1,000/-
4) R & D Committee, Kikâwn, Lunglei Rs. 5,000/-
5) MHIP Electric Branch, Hnahthial Rs. 2,100/-
PAC Organiser chuan, HIV/AIDS natna chungchânga thil râpthlâk tak pakhat chu, a hrik pai nuin a hnutetui kal tlangin a nau pawmlaiah a kai chhâwng thei hi a ni a ti a. Chutiang a nih loh nân naute chu a nu hnute hne lova châwm a ngai a, chutih laiin he natna vei tam tak hi chhûngkaw harsa tê tê atanga lo chawr chhuak, eizawnna mumal pawh nei lote an ni fo si a. Hlauthâwng chung chungin an fâte hnute an hnêktîr lo thei thîn lo. Chutiang dinhmun hlauhawma ding nausên vânduai chu MBKHP Grace Society rawngbâwlna hnuaiah hian 10 rual zet hi eng lai pawhin an awm reng a, BCM ‘Prevention and Care’ (PAC) chuan an tân tanpuitu a zawng reng a ni tiin thuchhuah a siam.
