Tunlai khawvel tibuai em em tu coronavirus (Covid – 19) hrileng laka kan lo him zawk nan BCM Administrative Committee, Emergency Meeting March ni 22, 2020 chuan a hnuaia tarlan ang hian thuchhuah a siam a, thawktute leh kohhrante kan in hriaittir a ni e:

1. Pastor transfer movement order-in March ni 22 - 29, 2020 inkara kal tura a tihte chu movement order thar siam a nih hma chuan station la chhuahsan rih loh tur a ni.

2. Pastor transfer movement order-in March ni 29, 2020 hnu lama kal tura a tihte chu a ngai angin a la kal ang.

3. Missionary transfer movement order lo chhuah tawh zawng zawng chu movement order thar tih chhuah a nih hma chuan chawlh lailawk (stay) tur a ni.

4. Mizoram chhunga BCM Headquarters Office leh a hnuaia Office hrang hrangte leh zirna in te chu March ni 23, 2020 atanga March ni 29, 2020 chhung khar tur a ni.

5. Office khar chhung hian thawktute mahni awmna hmun (station) chhuahsan loh tur a ni a, a tul hun apianga koh theiha awm tur a ni.

6. Office khar hian Christian Hospital Serkawn, Christian Hospital Lawngtlai, Baptist Church Orphange Serkawn leh Chhawmdawlna In Melte te a huam lovang.

7. BCM Assembly target, bial tin te thehluh theih ni hnuhnung ber March ni 23, 2020 lo ruat tawh chu March ni 30, 2020 thleng pawhsei a ni.