Mizoram Baptist Kohhran Headquarters Office chuan tunkar zirtawp Ni, December 19, 2014 hian kumin chhunga Office kai hun tawp ber, Officce kharna programme an hmang dawn a. Chhun dar 12:30-ah Sap Upa leh Pu Buanga Hall-ah he inkhawm tawi hi an hmang ang.

Office khar Inkhawm hi Upa H. Biakchungnunga, Office Superintendent-in kaihruaiin General Secretary, Rev. H. Lianngaia’n thu pawimawh puanna leh thuchah tawi a sawi ang a, thingpui an in ho nghal ang. December 20, 2014 - January 5, 2015 thleng Christmas leh Kumthar chawlh an hmang ang a, January 6, 2015-ah Office hi hawn a ni leh ang a, Janyary 7-ah Thawktute Inhlantharna Inkhawm an nei ang.

Thawktu Inhlanthar Ni: Janary 7, 2015 Kum tinah an tih thin angin kumthar, January 7, 2015 khian BCM hnuaia thawktu, Lunglei khawpui chhunga awm/thawk te chuan Headquarters, Serkawn-ah Thawktute Inhlantharna Inkhawm an nei leh dawn a, he hunah hian Lunglei khawpui chhunga BCM-a thawktu zawng zawngte tel ngei tura beisei leh hriattir an ni. Hetiang hi Prgramme tlangpui a ni:-  

Mizoram Baptist Kohhran Thawktute Inhlantharna Programme
A hmun	:	Mizoram Baptist Kohhran Biak In, Serkawn
A hun	:	January 7, 2015 : 12:00 Noon
Hruaitu	:	Rev. R. Zohmingliana, Coordinator, Pastoral
Solo	:	Tv. HC Lalrinliana
Roll Call	:	Upa Biakchungnunga, Office Superintendent
Thuchah	:	Rev. H. Lianngaia, General Secretary
Inhlantharna	:
Zai hrauitu	:	Pu R. Vanlalthiana, Tv. L. Lalrotluanga, Nl.K.Lalthazuali

  (Inkhawm banah Thlalakhona leh Refreshment a awm ang. Thlalak hona hi BCM A/V in an buaipui ang a, Refreshment chu BHSS-in an buatsaih ang)