BCM Hqrs.Office, Serkawn[/caption]
Vawiin, January 5, 2017 (Ningani) hian Mizoram Baptist Kohhrana thawktute chuan Office hawng-in hna an tan leh ta. BCM thawktu hmun hrang hrang Christmas leh Kumthar hmanga fehchhuak te leh mahni hmuna haw te pawh-in Office kaini hmasa ber hi ngaipawimawhin an haw kim hle. Office kai tanni-ah hian Headquarters Office bakah Executive Secretary Office, Aizawl leh Lawngtlai te leh Department hrang hrang ten an Office hi hawngin hna pangngai an chhunzawm a ni.
Tarlan tawh ang khan Naktuk, January 6, 2017 chhuna dar 12:00 ah Tawhktute Inhlanthar Ni hman a ni leh dawn a. He hunah hian Mizoram baptist Kohhran hnauaia thawktu zawng zawng te chuan anmani khaikhawmtu Area/Field/Institution khaikhawmtu ruahmanna angin hun an hmang ang.
Lunglei Khawpui chhunga BCM thawktute chuan Serkawn Biak Ina-ah a huhovin Inhlan tharna Programramme hi an hmang leh ang a. Aizawl leh Lawngtlai-a thawktute pawhin a huhovin an hmang bawk ang. Mission Field leh heng kan tarlan ten a huam loh Pastor Bial neite leh Institution te chuan anmahni remchan angin an hmang dawn a ni.
BCM THAWKTUTE INHLANTHAR PROGRAMME : LUNGLEI
A hmun : Mizoram Baptist Kohhran Biak In, Serkawn A hun : January 06, 2016 (12:00 Noon)| Hruaitu | : | Rev.Dr. C. Vanlaldika, Associate General Secretary – Mission |
| Hming lam | : | Upa Biakchungnunga, Office Superintendent |
| Thusawi | : | Rev. F. Ramdinmawia, General Secretary |
| Group zai | : | BHSS JuniorSECTION atangin |
| Thuchah | : | Rev H. Lianngaia, President Elect |
| Inhlan tharna | : | Inkhawm hruaitu |
| Refreshment | : | R&D leh BCO Staff |
