Mizoram Baptist Kohhran hnuaia thawktu hmun hrang hrang-a awmte chuan vawiin January 6, 20015 hian kum 2015 atana Office kai tanni hmasa ber chu hmangin Office an hawng leh ta a. Headquarters Office-a thawktu te, Executive Secretary Office - Aizawl leh Lawngtlai te bakah Mission Field hrang hrang leh Intitution leh Department Office hmun hranga awmte pawhin vawiin hian Office an hawng a ni. Headquarters Office, Serkawn-ah chuan thawktu Duty pawimawh-a thang mek te tih loh chu Staff an kal tha hle a, hutu te pawh General Secretary hovin AGS pahnih leh Director te an kai kim a ni.

Thawktu Inhlanthar Ni: Janary 7, 2015 :

Kum tinah an tih thin angin kumthar, January 7, 2015 khian BCM hnuaia thawktu, Lunglei khawpui chhunga awm/thawk te chuan Headquarters, Serkawn-ah Thawktute Inhlantharna Inkhawm an nei leh dawn a, he hunah hian Lunglei khawpui chhunga BCM-a thawktu zawng zawngte tel ngei tura beisei leh hriattir an ni. Executive Secretary Office, Aizawl-a thawktute leh Aizawl khawpui chhunga BCM Staff te chuan Reiek Tourist Resort-ah Inhlanthar Programme hi an hmang dawn a, Lawngtlai Area-a thawktute chuan Baptist House, Lawngtlai -Lorrain Hall p-ah he Progamme hi an hmang thung ang.  Mission Field leh Mission Station Mizoram chhung leh Ram pawn-a awm te chuan anmahni remchang angin an hmang dawn a ni.

Lunglei khawpui chhunga BCM hnuaia thawktute Inhlantharna Programme chu hetiang hi a ni ang:

Mizoram Baptist Kohhran Thawktute Inhlantharna Programme A hmun : Mizoram Baptist Kohhran Biak In, Serkawn A hun : January 7, 2015 : 12:00 Noon Hruaitu : Rev. R. Zohmingliana, Coordinator, Pastoral Solo : Tv. HC Lalrinliana Roll Call : Upa Biakchungnunga, Office Superintendent Thuchah : Rev. H. Lianngaia, General Secretary Inhlantharna :  Hruaitu Zai hrauitu : Pu R. Vanlalthiana, Tv. L. Lalrotluanga, Nl.K.Lalthazuali (Inkhawm banah Thlalakhona leh Refreshment a awm ang. Thlalak hona hi BCM A/V in an buaipui ang a, Refreshment chu BHSS-in an buatsaih ang)