Covid 19 hripui leng avanga Mizoram sawrkar thuchhuak July 16, 2021 leh District hrang hrang ten inkhuahkhirhna dân thar a siam zulzuiin leh BCM Administrative Committee-in thuneihna a lo pek tawh angin, BCM Puipate July 17, 2021 inrâwnkhawm chuan BCM Office hrang hrangte office kai dan tur ruahmanna thar a siam a, a hnuai mi ang hian July 19, 2021 (Monday) atanga thu leh awm hma chu hman tur a ni ang:-

1. Sawrkar thuchhuakin Kohhran office-te hna hmanhmawh leh tul zual thawk tura office kai a rem tih angin Mizoram chhunga BCM office-te chu hawn an ni.

2. BCM Headquarters ni lo, office dang zawngte chu office hotute theuhin sawrkarin dan a siam zawm chungin thawktute office kai dan tur ruahmanna an siam ang

3. BCM Headquarters Office chu hetiang hian kai thin a ni ang:-

   • Monday, Wednesday leh Friday apiangin Administrative Department, Finance & Pension Department, Property Department leh Mission hnuaia hnathawktute office an kai thin anga, office kai hun chhung chu 10:00 AM – 3:00 PM a ni.

   • Tuesday leh Thursday apiangin Pastoral Department, Fellowship Department, Chrisian Education Department leh Service hnuaia Department zawng zawngte an kai ang a, office kai hun chhung hi 10:00 AM – 3:00 PM a ni.

   • Hna tul thawh tur a awm chuan office kai loh niah pawh hna thawktute koh thin an ni.

Covid hripui laka kan lo him zel theih nan office-a hnathawktu ten a hnuaia inkaihhruaina hi uluk taka zawm tur a ni ang.

1. Midang bul hnaia awmin mask vuah reng tur a
2. Office luh rualin sanitiser-in fai takin kut sanitise
3. Office hna tul avang tih lohah chuan thutho leh inkawm khawm ang chi reng reng phal loh a

4. Hritlang leh khawsik neite chu office kai loh tur a ni a, office hotute be rawnin proper channel-a leave lak tur a

5. Quarantine leh containment zone-a awm ten Administrative Officer hriattirin concerned head-ah te hriattir bawk tur a ni ang. Headquarters office ni lo office dang zawngte chuan mahni office hotute hriattir tur a

Sd/- (F. RAMDINMAWIA) General Secretary Baptist Church of Mizoram