November ni 27, 2016 Pathianni chhunah khan Arunachala hnam hlawm lian ber Nyishi Holy bible(Thuthlung hlui leh Thuthlungthar infin) chu Rev. Dr. Rochill Senior Executive Secretary, BSI Dimapur Auxiliary chuan ropui takin a tlangzarh ta.
Nyishi ho hian kum 30 zet beiin Thuthlung thar hi an lo nei tawh a. Thuthlung hlui hi neih leh an duh a, a letling turin, Rev.Tar Choya M.Th chu an ruat ta a, ani hian full time-in a bei ta ngar ngar a, kum 6 lek chhungin a letling zo thei ta mai a. Chu chu Nyishi ţawng thiam rual thlanchhuah ten uluk takin editing an bei leh ngar a ni.
He Bible release Function-ah hian Kohhran lian hrang hrang atangin lam tur te inruat a ni a(anni hi chu Zaipawl lamah an sang lo nain, an traditional dress nena lam hi an thiam em em ve thung a). Rev.Tar Choyan report a han pe chu, a hnuk a ulh ve hial a ni. An tlangzarh dawnah hian, Nyishi traditional dress dik taka inthuam nula leh tlangval 100 rual vel hi an rawn chai phei mup mup mai a, a hmaah an Pastor Likha Tach leh Rev Tar Choya fanu Tar Yarini ten pher bawm chin neiah,Bible release tur chu puithu takin an rawn zawn a, a ropui dangdai hle a ni.
NBCC gate pui hi mipakhat, Thomas'an ama sumin a siam a, nuai 3 vel lai a seng ani awm e. Tin, ruaithehna tur Sial chal hi mipakhat Taba-an a thawh bawk a. Tin, he Nyishi holy bible release-naa senso zawng zawng hi Pu Likha Maj-a te chhungkuain an tum bawk a, Pandal complete(Light, Sound leh Chairs telin) hi cheng nuai 3 man vel chu ani a, Thilpek an sem chhuah zawng zawng hi cheng nuaikhat man zan chu ani ang. Tin, Dimapur BSI Auxilliary tan Rs.100,000(nuai khat) an hlan bawk.
Inkhawm thawhlawm Rs.70,000(sing sarin) zet pawh BSI Dimapur auxiliary ye hnenah hian hlan ani bawk. Rev. Tar Choya leh an General secretary kal chhuak ta, tuna Dimapur BSI Auxiliary a President ni mek Rev.Halli Likha pawh envelope puar lawih sum fai an pe a ni. Heng zawng zawng hi Pu Likha Maj-a te chhungkua hian an thawh vek anih chu. Ruai theh zawng zawng kha mi 3000 vel lai chu kan ni awm e.
- Reports: Fanai Dingtea, Arunchal West Field
