Naupangte Isua hnenah[/caption]
November Pathianni vawithumna hi Mizoram Baptist Kohhran Ni pawimawh “Naupangte Ni” a nih ang in, Tunkar Pathianni, November 21 hi Tualchhung Kohhran hrang hrang ah Naupangte Ni atan hman a ni dawn a. Kumin Naupangte Ni thupui hi “Vanram chu hetiang mite ta a ni si a" (Matthaia 19:14) tih a ni ang.
Naupangte Ni hi Assembly in a rel ang in 2015 atang khan kum tin November Pathianni vawi thumna-ah urhsun takin hman thin a ni a, Pathianni zing Inkhawm-ah thupui thlan sa hmangin Sermon leh Naupangte pawimawhna leh kaihhruaina lam zirtirna te ngaihthlak a ni thin. Kohhran pum huapa naupangte pawimawhna inzirtirna hun a tana hman thin a ni, Kohhran tam takah hemi Ni hi naupangte puala hmangin Naupang ten Special Item tha tak tak an nei thin a ni.
Kum dang ang bawkin Communications Department hmalakna in Kumin Naupangte Ni Pual hian TV Programme buatsaih a ni leh bawk a ni. Youtube Channel - "Khawnvar"-ah dah chhuah a ni bawk ang.
