Mizoram Baptist Kohhran Assembly 2019-in Non-Mizo Mission chu chak leh hlawk zawka kalpui a nih theih nan Field Director  enkawlna hnuaiah Mission Field pangngaiah dah ni se ti-a a lo rel bawhzuiin ruahmanna kalpui a ni a.  Tunkar Pathianni, June 16, 2019 hian Mizoram Baptist Kohhran Biak In, Venglai, Lunglei-ah Non-Mizo Mission Field hawnna leh Field Director tirhchhuahna Inkhawm buatsaih a ni ang.

Non-Mizo Mission Field hawnna leh Field Director Tirhchhuah Inkhawm hi Rev. R. Lalthangliana, Mission Coordinator-in a kaihruai ang a, Upa HL Liantluanga, Mission Promoter-in N

on-Mizo Mission Field chungchang sawifiahin, Rev. F. Ramdinmawia, General Secretary-in Non-Mizo Mission Field a hawng  ang. Rev. Dr. C. Vanlaldika, AGS i/c Mission-in Non-Mizo Mission Field Director tur Rev. B. Zirsangliana te chhung tirhchhuahna a nei ang a,  Rev.Lalbiakliana, AGS i/c Service-in thuchah a sawi ang. Rev. B. Thangchina'n Non-Mizo Mission leeh Field Director tana tawngtaina a nei ang a, Baptist Mashihi Sangati Choir leh Bazar pastor Bial Zaipawl ten zaia rawngbawlna an nei bawk ang.