Mizoram baptist Kohghran, Non-Mizo Evangelism chuan September 11-13, 2015 hian Lawngtlaia Bazar Biak inah Non Mizo Kristian  inkhawmpui an buatsaih dawn a. Thupui atan ‘I puan in hmun chu zauh rawh’ tih an hmang ang.

He Inkhawmpui ah hian Speaker bik awm lovin, mi  hrang hrangin thuchah an sawi thin ang a, Thlenkim zan, Spetember 11 zanah : Rev. R. Lalrintluanga'n thuchah sawiin, Inrinni chawhma Inkhawmah Evan. Bejnath Dehari, Non-Mizo Evangelist -in a sawi ang a, Inrinni chawhnu-ah Evan. K. Lalmuanawma, Non-Mizo Evangelist, Inrinni zan-ah Rev. K. Lalbiakchhawna-Non Mizo Pastor Incharge, Pathianni Zing Inkhawm-ah  Rev. B. Lalrinawma, Mission Coordinator, leh Pathianni zanah Rev. F. Ramdinmawia, Executive Secretary, Lawngtlei ten thuchah an sawi ang.

Inkhawm-ah hian Fellowship hrang hrang atangin Zaipawl, Mimal zai leh Group zai bakah Special Numbers engngemawzat a awm thin ang a, Inkhawm ban apiangin Pathian faka zaihona leh Sharing Programme a awm thin dawn a ni.