September 12, 2013 (Ningani) zan atanga tanin Non-Mizo inkhawmpui vawi 26-na chu Electric North kohhran, Hnahthialah a buatsaih a. He Inkhawmpui Speaker atan Rev. T.C. Vanlalmalsawma, Pastor i/c Non-Mizo hman a ni ang a, thupui-ah "I piangthar tur a ni" tih a ni ang. Prabhu Samachar Samiti, Lunglawn (Non-Mizo zinga rawngbawl thin Zaipawl) pawh zaia rawngbawl turin an kal.
He Inkhawmpui-ah hian nitin zing tin dar 6:00-8:00 Bible Study leh tawngtai inkhawm a awm thin anga, zan tin Vantlang Inkhawm a awm bawk ang. Naktuk Zirtawpni chawhma-ah Vantlang inkhawm awmin chawhnu lamah Praise & Wirship a Service neih a ni ang a. Inrinni chhun lamah pawh hetiang tho hian programme siam a ni bawk. Pathianni chawhma lamah Vantlang inkhawm awmin Pathianni chawhnu-ah Baptistma Service leh Lalpa zanriah kilhona neih a ni anga. Zan lamah Vantlang Inkhawm neih zawhah Pathian faka zaihona (Zaikhawm) neih a ni ang. Inkhawm apiangin Zaipawl leh Special Numbers engngemawzat a awm thin ang.
Tun dinhmunah hian Mizoram Baptist Kohhran enkawlna hnuaiah Non Mizo Kristian 3000 chuang zet an awm mek a, kumin (2013) chhung hian ringthar 62-in baptisma changin Fellowship thar 1 din a ni a. Non-Mizo Pastor Incharge pakhat leh Evangelist 11 rawih niin, Mission Department hnuaiah an awm a ni.
