Mizoram Baptist Kohhran, Non-Mizo Evangelism (Masihi Sangati, BCM) chuan Non-Mizo Mission hnuaia Evangelist te Meeting & Training, June 8-9, 20-18 hian Sap Upa leh Pu Buanga Hall, Serkawn-ah buatsaih a. He hunah hian Non-Mizo Evangelist thawk lai te kim taka tel turin an in hriattir a ni.
Naktuk, June 8 Chawhma dar 11:00-ah programme tan a ni ang a. Rev. B. Zirsangliana, Non-Mizo Pastor i/c in kaihruaiin inhmelhriattirna a nei ang a. Evan.K.Lalmuanawma’n Devotions a hmang ang. Rev. B. Lalrinawma, Mission Coordinator-in "Evangelist te pawimawhna leh mawhphurhna" tih thupui hmangin thuchah asawi ang a, Rev. B. Zirsangliana’n "Evangelism & Kohhran enkawlna" tih thupui hmangin paper a present bawk ang. Chawhnu lamah Rev. Dr. C. Vanlaldika, AGS i/c Mission-in Fuihna thuchah a sawi ang a, Evangelist te hnen atangin an rawngbawlna report tawi nghaihthlak a ni bawk dawn a ni.
June 9, Inrinni-ah pawh Programmer hi dar 11:00 ah tan leh a ni ang. Evan. Sibu Hansdak-in Devotion hmangin a kaihruai ang. Rev. B. Lalrinawma’n fuihna thuchah a sawi ang a, Paper pahnih – 1) Counselling & Homiletic tih leh Bible Backgrounds tih te zirho a ni ang. Tlai lamah hun awm dan a zirin Jubilee Bible School tlawh an tum bawk ang.
Pathianni-ah chuan Chanmari Vengthlang Biak Inah Mission Crusade an hmanpui ang.
