Mission News:
Kar kal ta khan Lunglei North Area-a Non-Mizo te pualin Kikawn Biak inah Camping buatsaih a ni a. Campers 109 zingah Hindu 34, Muslim 34 leh Buddhist 1 an tel. He programme hi Non Mizo Zaipawl leh Prabu Samachar Samiti, Lunglawn zaipawl bakah Kohhran puipa 20 rualin an uap reng bawk a; an hlawhtling hle.
Ringthar 92:
Chakma Mission Director, Rev. RC. Lalthanzaman kan palai a hrilh danin October thla chhung khan Chakma ringthar 92 in baptisma an chang.
MTKP in Rs. 33,000/- Mission Relief atan hlan:
Mizoram TKP chuan kumina a thawh hnih nan Missionary natna leh harsatna bik neite hnenah Mission Relief Rs. 33,000/- a sem leh a. Tun tumah hian Missionary 11 (Ramchhung, rampawn leh India ram pawn thlengin) hnenah Rs. 3,000/- theuhin a pe. MTKP hian kumin June thla khan hetiang bawk hian Rs. 47,300/- a lo sem tawh bawk.
Work Camp:
Lunglei Electric Veng Kohhranten Rotlang West-ah November 6-9, 2013 khan Workcamp an nei a, Zawlpui Kohhran pawhin November 14-17 khian Vairawkaiah Workcamp neih an tum.
Ramthar Kohhran Chakma pual Camp:
Lunglei Ramthar Kohhran chuan October 30-Nov.3, 2013 chhung khan Silkur II ah Pastor Jomadon-a hovin Chakma pualin Camping an buatsaih sak a; Camper 70 zet awmin Pathianni kal ta khan baptisma channa an nei. He Camp-ah hian Tlabung Kohhran chuan a tul apiang tiin an buaipui a, Ramthar Kohhranhote an lawm hle.
Republic Vengthlang Kohhran Kawrpuichhuah-ah:
Aizawl Republic Vengthlang Kohhran member 11 te chuan Nov.1-4, 2013 khan Kawrpuichhuah an tlawh.
