Naktuk, September 5, 2014 chawhnu dar 2:00 hian August 28, 2014-a Missionary (Retired) Nl.F.Zoramthangi Chatuan ram pan ta chu BCM hnuaia thawktu inzawmkhawm, Workers Condolence Scheme (WCS) chuan a chenna In, Lunglawn-ah an ral dawn a. Ralna Inkhawm hi Upa K. Lalremsanga'n a kaihruai ang a. Rev. B. Lalrinawm'n Thlamuanna thuchah sawiin Rev. Dr.K.Lalrinthanga'n tawngtaisakna a nei ang. Hei hi WCS memberte'n hriattirna-ah ngaih nghal tur a ni e.

Sawi tawh ang khan Nl. F. Zoramthangi hi February 7, 1956-ah Lunglawnah a piang a. A Pa Vaichana Fanai, a nu Aimawii Bawihtlung a ni. Unau 10 zinga

a naupang ber dawttu a ni. Kum 1979 atangin Mendabari, Rabha Field (tunah West Bengal Field) Rabha hnam zingah Missionary hna a thawk tana, kum 30 chuang zet Rabha hnam zingah hian a thawk a ni. Hun rei tak Cancer natnain a tihbuai hnuin Lalpa hnenah hruai a ni ta a ni. (Read More Story)