Assembly 2018-in a lo rel leh Pastor Bial siamrem dan tur ruahman tawh angin Tunkar Inrinni, June 23, 2018 hian Saitual Bial leh Serchhip Bial atanga New Serchhip Pastor Bial siam thar chu hawn a ni dawn. Pastor Bial thar hawnna Inkhawm hi Rev. R. Zohmingliana AGS i/c Service-in a kaihruai ang a, Rev. V. Vanlalchhunga, Pastoral Coordinator-in report pe-in Rev. Lalbiaksanga Chinzah, President-in Bial thar hi a hawng ang. Rev. F. Ramdinmawia, General Secretary-in thuchah a sawi ang. Serchhip pastor Bial, Khumtung Kohhran Zaipawl , Ebenezer Kohhran Zaipawl, Serchhip te an zai ang.

New Serchhip Bial thara Kohhran awm tur te leh member zat hetiang hi a ni.

Sl.No	Kohhran Hming	Member zat
1.	New Serchhip	561
2.	Ebenezer, Serchhip	381
3.	Elim, Chhiahtlang	84
4.	Khumtung	305
5.	Seling	55
6.	CTI	30
	TOTAL	1416

New Serchhip Pastor Bial thar-ah hian rev. R. Lalnunzira, tuna NEICC Secretary ni mek chu Biltu Pastor-in a awm ang a, New Serchhip-ah a lawi ang. Tunah hian BCM-ah Pstor Bial 84 a awm mek a, tuna New Serchhip Pastor Bial hawn thar tur hi Bial 85-na tur a ni dawn a ni.