August 11, 2022 (Ningani) chawhnu khan Mizoram Sorkar-a Education Department hotute, DEO Lunglei, Dy. Director, Samagra Shiksha, Mizoram leh DPC te leh Deprtment hotu dang te chu BCM Headquarters Office, Serkawn-ah lengin BCM hotute an hmu a. BCM hruaitute - General Secretary, AGS Mission, leh Education Director ten lo dawngsawngin inkawmhona hun tha tak an nei.
Inkawmhona-ah hian Cantral Sorkar hmalakna New Education Policy hnuaia Education For All Programme kalpui mekah New India Literacy Programme (Samagra Shiksha) hmalakna tihlawhtling turin BCM chu thawhpui atan an rawn sawm a. He Progamme atana hmalak dan tur leh thil kalpui dan tur ruangam te inkawhhmuhin an sawipui a ni. BCM hruaitute chuan thawhho dan tur ruahmanna fel tak siam a, thawhhona thuthlung fel tak duan a nih hnu-ah Committee-ah la chhawp chhoh a tul dawn thu an lo hrilh a ni.
New India Literacy Programme hi Central Sorkarin a duan angin State Level Governing Board leh State Level Executive Committee te siam a ni a. Heng ah te hian BCM aiawhin Education Director Rev. L. Vanlalsanga leh Rev. R. Lalrintluanga, Executive Secretary- Aizawl te chu member atan ruat an lo ni tawh a ni.
