NEICCYA Bi-enniel Assembly, April 20-22-a Church of God, Qualapatty, Meghalaya-ah-ah neih chu tluang takin an tiak ta. He inkhawmpui-ah hian  MTKP Organiser, Rev.Samuel Lalremsanga, Finance Secretary, Pu Victor Lalrinawma te an kal a. Kum 2012-2013 hruaitu thar thlan zingah Pu T. Lalhlimpuia, MTKP Executive Commitee member chu Vice President atan thlan tlin a ni.  He mi hnu April 25, 2012 (Nilaini) khan India rama Baptist Thalai Pawl (Baptist Youth Fellowship of India-BYFI) Executive Committee meeting, CBCNEI Guwahati-ah Pu Victor Lalrinawma Sailo nen an tel nghal ang. Baptist Youth Fellowship of India (BYFI) ah hian Rev. Samuela Lalremsanga hi President a ni a, Pu Victor Lalrinawma, MTKP Finance Secretary chu Committee member a ni bawk.

North East India Christian Council - Youth Assmbly hi Christian rau rauvah pawh Protestant kohhran tana din niin, chumi zingah pawh trinity ringtu chauh inzawmkhawmna a ni. Logo hran pawh a neilo a ni. Kan inlungrualna anih chuan Protestant leh Trinity ringtu chauh huap lovin North East - a Kristian thalai zawng zawngte huapzo thei tura duna that rawt a ni ang a, NEICC Annual Session a ngaihtuah atan chhawpchhuah a ni ang. Tin, NEICC ah hian member ni tur chuan kohhran member 5000 tal nih a ngai. NEICC - YA - a inzawmkhawm thalai hrang hrangt hi Unit tiin vuah a ni a.

Tun dinhmunah hian inzawmna nghet nei Unit 35 leh kohhran inzawmkhawm pawl Unit 12 (avaiin Unit 47) kan awm mek. Chumi zingah chuan Mizoram atangin heng - (1) Central KTP (2) Lairam Isua Krista Baptist Kohhran Thalai Pawl (3) MTKP (4) The Salvation Army Thalai Pawl (5) Evangelical Church of Maraland Thalai Pawl - te h Unit khat zel an ni. Kum 2008 May leh 2010 April thlenga NEICC - YA President atan thlan chu Pu Remlalsiama, MTKP, BCM a ni. Executive Committee member turte hi kohhran hrang hrang 7 atangin ruat an ni.

NEICC - YA THILTUM LEH DINCHAN THENKHATTE : Kum 1937, November ni 23 khan din tan niin hengte hi a thiltum leh dinchhan te a ni a :

1. North East - a Kristiante zingah inunauna, thawhhona leh inpumkhatna tha vawn nun a nih theih nana thawh. 2. Rual khai zawka Chanchintha puandarh a nih theih nana hmalatu nih. 3. Hmun hrang hranga Kristianten a huhova hma kan lakna hmanrua nih. 4. Unit hrang hrangte harsatna sutkian kawnga hmalak zel. 5. A tul dan ang zela kohhran aiawha State leh Central sawrkar hmachhawn. 6. Kristiannaah chuan kohhran hi a laimu leh bul ber a ni tih lantir zel. 7. Unit hrang hrangte inkarah inzahtawnna leh inpawmtawnna boruak siam zel.

HMALAK TAWHNA THENKHATTE : 1. Inkhawmpui hi hmun hrang hrangah vawi 12 neih tawh a ni. 2. Kum 2010 April ni 22 - 25 khian harsatna a awmlo anih chuan bienniel assembly vawi - 13 na nei leh tura ruahman mek a ni a, thlengtu turin Cachar Hills Tribe, Synod, Assam. Thupui turin “In the hope of the church.” 3. July 26, 2008 khan Baptist House, Shillong - ah Exe. Commt. Meeting vawi - 2 na neih a ni. 4. Kohhran thalai pawl hrang hrang inpawlhona a tam thei ang bera hman nise. 5. North East State tinah Seminar nei tura hmalak mek a ni.