December 13-15, 2012 khan Agartala, Tripura-ah North East India Christian Council (NEICC) leh SIM-NEI tangkawp chuan Mission Partnership Consultation an nei a. He meeting hi TBCU in Mission Compound-ah thlengin thupui atan ‘Together in the Gospel of Christ’ hmangin Tripuraa Kohhran pawl hrang hrang atangin palai 85 zet an kal khawm a. BCM aiawhin kan Field Director, Rev.L. Vanlalsanga leh mi dang 8 an tel. He meeting hian thawkho pawl ‘Partnership Coordination Committee’ dinin adhoc hruaitu pawh an inruat nghal.
Nupa tuak 17 Innei tha
December 15, 2012(Inrinni) khan Thualthu Kohhranah Nupa tuak 17 te pualin inneih that buatsaih a ni a. Bialtu Pastor, Rev.Sangliankhuma Chinzah-in a kutsuih a, an zingah hian Kohhran Upa te pawh an tel.AGS i/c Mission Vellore-ah Krismas
AGS i/c Mission, Rev.Dr.K. Lalrinthanga leh a nupui, Dr. Chawngthanpari te chu in checkup pah turin Vellore-ah Krismas an hmang dawn.Muallianpui North Kohhran Centenary
Muallianpui North Kohhran chuan an Kohhran kum 100 tlin lawmna December 19 khan an hmang a; headquarters atangin Rev.R. Lalbiaklianan a hmanpui.
HATIM Boys Hostel sa tan ta
BCM Secular College, Higher & Technical Institute of Mizoram (HATIM) chuan an awmna hmun tur dik tak, Kawmzawlah hma an la tan ta a. Upa C. Thanseian JCB thawhin a hmun an lai zawl duai tawh a, Boys Hostel tur an sa tan ta.
Chhawmdawlna Inah Building Pahnih hawng
MBKHP Chhawmdawlna In, Melte ah December 12, 2012 khan MBKHP hruaitute, Grace Society Board member leh he hmuna awm (patient) hovin Advance Christmas an hmang a. He mi rual hian Building pahnih- Administrative Building leh Dr. Mani khualbuk hawn a ni. Tunah hian Chhawmdawlna inah enkawl lai mipa 25 leh hmeichhia 9 bakah nausen 2 an awm mek.
Lungleiah District Level HIV+ve Network din a ni
Lunglei khawpui leh a chhehvela HIV+ te chuan HIV darh zel tur ven nana chak zawka hma an lak theih nan District Level Positive Network an din thar a. He natna chungchanga biakrawn duhte tan ngaihven theih a ni ta. Tunah hian Lunglei District chhungah HIV+ 300 chuang an awm tawh nia rin a ni.
